Becherenzioo

Becherenzioo (Gentiana acaulis)

Systematik

	Asteride
	Euasteride I
Ordnig:	Enzioonartigi (Gentianales)
Familie:	Enzioogwächs (Gentianaceae)
Gattig:	Enzioo (Gentiana)
Art:	Becherenzioo

Wüsseschaftlige Name

Gentiana acaulis

L.

De Becherenzioo (Gentiana acaulis; alemannischi Näme) isch e gschützti Alpeblueme. Er gsiet äänlich uus wie de nööch verwandti Glogge-Enzioo, doch wachset baid Aarte a verschidnige Stele, wa Vikariismus gnennt werd.

Verbraitig

De Becherenzioo chunnt in de Alpe zöschet 1700 und 3000 m ü.M. vor, im Jura, i de Cévennes und i de Pyrenäe vor. Er mag füechte und suure Silkatbode, und werd drom i de Fachliteratur aus Silikat-Glogge-Enzioo gnennt, im Gegesatz zom Glogge-Enzioo, wo Chalchbode mag und drom gnauer Chalch-Glogge-Enzioo gnennt werd.

Uussie

De Becherenzioo isch e wintergrüeni Pflanze het braiti Rosetteblätter mit Rine zom Wassersammle. Er het nume e chorze Stengel, dodeför isch di becherförmigi blaui Blüete mit ere Längi vo 5 Santimeeter uuffälig grooss. De Chelch isch in grüe gfärbt. Je noch Klima blüet er zwöschet em Mai und em Augste.

Büecher

Elfrune Wendelberger: Alpenblumen; blv, Münche 2009. ISBN 978-3-8354-0558-5.

Weblink

Commons: Becherenzioo – Sammlig vo Multimediadateie