Karma

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Karma (Sanskrit: कर्मन , karman; Pali: kamma "Tat, Würke" zu Sanskrit: kri "tue, mache") isch e Begriff vom Hinduismus, Buddhismus und Jainismus und Bestandtail vode Widergeburtslehr. Jedi Tat, Handlig aber au jede Gedanke bewürkt Karma; gueti Tate bewürket guets Karma und schlechti Tate schlechts Karma. Karma selber bewürkt Widergeburt. Het öpper ehner guets Karma, werd er unter günstigere Umstend widergebore, als öpper wo ehner schlechts Karma het. Wer usem Kraislauf vode Widergeurte (Samsara) uustige will, muess drum versueche, all sis vorhandeni Karma zverbruche oder mittels bsundrige Methode (wie Yoga, Asketismus etc.) z verbrene und voralem kai nois Karma me z produziere.

Noch hinduistischem und buddhistischem Verständnis isch Karma en Art Naturgsetz vo Ursach und Würkig und het nüt mit Strof oder Belohnig dur e Gotthait z tue. Allerdings chan e Gotthait emene Mensch dur sini Gnad bestehends Karma vermindere.