Karl Schultze (Mediziner)
Dr Karl August Sigismund Schultze (* 1. Oktober 1795 z Halle (Saale); † 28. Mai 1877 z Jena) isch e dytsche Anatoom un Hoochschuelleerer gsii.
Lääbe
[ändere | Quälltäxt bearbeite]
Dr Karl Schultze isch e Suun vum Hallesche Regierigsreferändaar un Stadtsindikus Friedrich Schultze (1765–1806) un däm syre Frau Johanna Dorothea Apel (1765–1826) gsii. Noch em frieje Dood vum Vater isch dr August Hermann Niemeyer, dr Chanzler vu dr Uniwersiteet Halle, sy Voormund woore un het s em meegli gmacht, ass er uf s Pedagoogium Halle het chenne goo. Derno het er ab 1814 an dr Uniwersiteet Halle studiert un isch doo syter 1816/17 Mitgliid vum Corps Teutonia (I) Halle[1] un vum Corps Guestphalia Halle gsii.[2] 1817 isch er Dailnämer bim Wartburgfescht gsii.[3] Mit ere Doktrraarbet bim Johann Friedrich Meckel isch er z Halle zum Dr. med. bromewiert woore. Dr Georges Cuvier het derfir gsoorgt, ass sy Dissertazioon Nonnulla de primordiis systematis ossium et de evolutione spinae dorsi in animalibus uf Franzeesisch un uf Änglisch ibersetzt wooren isch. Dr Schultze isch em Meckel Assischtänt woore un – no im nämlige Joor – Broosäkter. Anne 1821 isch er em Ruef vu dr Uniwersiteet Fryburg uf ire Leerstuel un as Diräkter vu dr anatoomische un fisioloogische Aastalte gfolgt.
Anne 1831 isch dr Schultze an di Cheeniglig Uniwersiteet z Greifswald gwägslet. Do het er lang ooni Erfolg versuecht, besseri Ryym fir di anatoomisch-zooloogisch Sammlig z iiberchuu, dodriiber isch s zum Stryt in dr Mediizinische Fakulteet chuu. Eerscht 1855 isch s em glunge, uf em Gländ vum eemoolige Dominikaanerchlooschtr e aige Inschtitut fir Anatomy böue z loo. S Greifswalder Anatomygebei het langi Zyt as s scheenscht un s zwächmääßigscht vu syre Aart z Dytschland gulte un isch anne 1998 widerhäärgstellt woore.
Anne 1856 het dr Schultze sy Leerstuel ufgee, hat aber als fuurt an dr Uniwersiteet Greifswald gleert. Im Joor1869, noch eme halbe Jorhundert as Hoochschuelleerer, isch er ganz zruggdrätte un isch zue sym Suun Bernhard uf Jena zooge.
Syter 1833 isch dr Schultze Mitgliid vu dr Leopoldina gsii.[4] 1862 isch em dr Titel vun eme Ghaime Medizinaalroot verliie woore, 1868 dr Root Aadleroorde 3. Klasse.
Familie
[ändere | Quälltäxt bearbeite]Är het anne 1822 d Friederike Bellermann (1805–1885) ghyroote, ne Doochter vum Orientalischt Johann Joachim Bellermann (1754–1842) un dr Dorothea Juliane Schorch (1769–1857). S Baar het e baar Chinder ghaa, doodrunter:
- Max Johann Sigismund Schultze (1825–1874), Anatoom un Zooloog
- August Sigismund Schultze (1833–1918), Jurischt
- Bernhard Sigmund Schultze (1827–1919), Ginekoloog
Literatuur
[ändere | Quälltäxt bearbeite]- Lothar Kämpfe: Schultze, Karl (1795–1877). In: Dirk Alvermann, Nils Jörn (Hrsg.): Biographisches Lexikon für Pommern. Bd. 2 (= Veröffentlichungen der Historischen Kommission für Pommern. Reihe V: Forschungen zur Pommerschen Geschichte. Bd. 48,2). Böhlau, Köln u. a. 2015, ISBN 978-3-412-22541-4, S. 251–256.
- Julius Pagel: Biographisches Lexikon hervorragender Ärzte des neunzehnten Jahrhunderts. Berlin, Wien 1901, Sp. 1549–1550 (Online).
Weblink
[ändere | Quälltäxt bearbeite]- Vorlage:LBMV PPN
- Das schönste Anatomie-Institut steht in Greifswald Mitdailig vu dr Uniwersitet Grteifswald (1998)
Fueßnote
[ändere | Quälltäxt bearbeite]- ↑ Kösener Korpslisten 1910, 108/114.
- ↑ Kösener Corpslisten 1960, 116/526.
- ↑ Bernhard Sommerlad: Wartburgfest und Corpsstudenten. Einst und Jetzt, Jahrbuch des Vereins für corpsstudentische Geschichtsforschung, Bd. 24 (1979), S. 40 (Nr. 64).
- ↑ Mitglidsyytrag vu August Siegmund Schultze/ Karl Schultze bi dr Dytsche Akademy vu dr Naturforscher Leopoldina, abgruefen am 25. Juni 2016.
|
Dä Artikel basiert uff ere fräie Übersetzig vu dere Version vum Artikel „Karl_Schultze_(Mediziner)“ vu de dütsche Wikipedia. E Liste vu de Autore un Versione isch do z finde. |