S Karl Barth-Archiiv
| S Karl Barth-Archiiv
| |
|---|---|
| |
| Ort | Baasel |
| Bsuecheradrässe | Bruederholzalle 26 |
| Gründig | 1971 |
| Umfang | 14'000 Büecher und öbbe hundertduusig Dokumänt |
| ISIL | CH-000226-5 |
| Website | http://karlbarth.unibas.ch |
| Dialäkt: Baseldütsch |
S Karl Barth-Archiiv isch e Sammlig vo Wärk vom Schwizer Theolog Karl Barth z Baasel. Es zelt as Baasler Kulturguet, wo nazionali Bedütig het.
S Archiv
[ändere | Quälltäxt bearbeite]S Archiv isch 1971 gründet worde. Im Archiv wird dr literarischi Noochlass vom Barth und si persöönligi Bibliothek ufbewaart. D Sammlig bestoot us 14'000 Büecher und öbbe hundertduusig Dokumänt, drunder öbbe zwölf duusig Brief. As Hauptufgoob katalogisiert und erschliesst s Archiiv d Bibliothek und dr Noochlass, läitet die editorische Aarbede an dr Gsamtusgoob und macht Röschersche vo Forscher mööglig.
S Geböid
[ändere | Quälltäxt bearbeite]S Archiv befindet sich im ehemoolige Woonhuus vom Barth an dr Bruederholzalle 26 z Baasel. S Arbetszimmer vom Barth gseet no genauso us wie zu sine Läbzite und grad nääbedraa isch s Arbetszimmer vo dr Charlotte vo Kirschbaum, wo vo 1930 aa äng mit em Barth zämmegschafft het, und au bi de Barths im Huus gwoont het. Dört isch jetz s Büro vom Läiter vom Archiiv din. Im klimatisierten Chäller isch 1997 e brofessionells Ablaagsüsteem mit Büecherregaal uf Rolle iibaut worde.
D Dräägerschaft
[ändere | Quälltäxt bearbeite]Drääger vom Archiiv isch d Karl Barth-Stifdig, wo vom Schwizerische Nazionalfond zur Förderig vo dr wüsseschaftlige Forschig understützt wird.
Kwelle
[ändere | Quälltäxt bearbeite]- Karl Barth-Archiv uf dr Website vo dr Uniwersidäät Baasel, abgrüeft am 7. Juni 2014
- Auch die Anstreichungen sind wichtig uf dr Website vo Deutschlandradio Kultur, abgrüeft am 7. Juni 2014