S Köönigriich Juda

D Bible brichdet, ass sich s Köönigriich Israel noch em Dood vo Salomo (um 926 v. d. Z.) ufglööst häig, in s Nordriich Israel, wo vom Jerobeam I. regiert worde sig mit dr Hauptstadt Samaria (s Areal, wo blau gfärbt isch) und s Herrschaftsgebiet vom Rehabeam, em Köönig vo Juda, um d Hauptstadt Jerusalem ume (s Areal wo ocker gfärbt isch im Süüde).

Juda (hebräisch יְהוּדָה Jehūdāh) isch in dr Iisezit e Köönigdum im östlige Middelmeerruum in de judääische Bärg um Jerusalem gsi. Noch dr Bible isch s vom König David gründet worde. Dr Wärt vo groosse Däil vo de biblische Text isch under Historiker umstritte, und doorum si Abschnitt vo dr Gschicht vo Juda nid gsicheret. D Erooberig vo Jerusalem dur dr Nebukadnezar II. im Joor 587 v. d. Z. het s Ändi vo dr Äigestaatligkäit bedütet. D Regioon isch Däil vom nöibabylonische Riich worde, spööter im Riich vo de Achämeniide die persischi Browinz Jehud. Erst under de Makkabäer isch s wider zum ene sälbstverwaltete jüüdische Lääbe in dr Regioon cho.

Kwelle

Dr Ardikel «Juda (Reich)» uf dr dütsche Wikipedia

Liddratuur

• Gösta W. Ahlström: The History of Ancient Palestine from the Palaeolithic Period to Alexander’s Conquest. With a contribution by Gary O. Rollefson, edited by Diana Edelman. JSOT.S 146. Sheffield 1993.
• Angelika Berlejung: Geschichte und Religionsgeschichte des antiken Israel. In: Gertz, Jan Christian u. a. (Uusegääber): Grundinformation Altes Testament: Eine Einführung in Literatur, Religion und Geschichte des Alten Testaments. Göttinge 2006; ³2009.
• Herbert Donner: Geschichte des Volkes Israel und seiner Nachbarn in Grundzügen. Teil 1: Von den Anfängen bis zur Staatenbildungszeit., Göttingen 1984; Teil 2: Von der Königszeit bis zu Alexander dem Großen, Göttinge 1986; in: Altes Testament Deutsch, Ergänzungsreihe, Bd. 4/1 und 4/2.
• Thomas Willi: Juda, Jehud, Israel. Studien zum Selbstverständnis des Judentums in persischer Zeit. Mohr Siebeck, Tübinge 1995, ISBN 978-3-16-146478-2.