Joshua Wheeler

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Joshua L. Wheeler

Joshua L. Wheeler (* 22. Novämber 1975 z Roland, Oklahoma; † 22. Oktober 2015 in de Provinz Kirkuk, Irak) isch en Stabsfeldweibel von de US-Amerikanische Delta Force gsi. Er isch de erschti US-amerikanisch Soldat sit em 2011, wo im Irak gfalle isch.

Militärischi Karriere[ändere | Quälltäxt bearbeite]

De Wheeler isch im 1995 Mitglied vo de US Army worde und het sini Grundusbildig z Fort Benning im US-Bundestaat Georgia gmacht. Er isch dann z Fort Lewis (Washington) stationiirt gsi und vo dete us drü Kampfiisätz in trat 1995 in Afghanistan und im Irak gha. Im 2004 isch de Wheeler in Fort Bragg (North Carolina) stationiirt worde, wo er em United States Army Special Operations Command unterstellt gsi isch und vo wo er bi insgsamt elf Spezialiisätz, ebefalls in Afghanistan und em Irak, derbi gsi isch.[1]

Am 22. Oktober 2015 isch de Wheeler bi eme Iisatz im Irak gege de IS töt worde, wo er zämme mit öppe zwänzg Delta Force-Soldate und Peschmerga-Einheite öppe 70 Geissle befreit het. Di Geisle, so wird brichtet, siged kurz vor ihre Exekution gstande.[2] In de zwischeziit het er posthum s Purple Heart übercho. Sit em 2011 isch er de erscht amerikanisch Soldat, wo im Irak gfalle isch.[3]

Privats[ändere | Quälltäxt bearbeite]

De Wheeler isch bi sim Tod zum zweite Mol ghürote gsi. Vo sine erschte Frau het er drü Söhn gha, wo bi ihm gläbt hei. Sit em Auguscht 2015 het er au en Sohn mit sine zweite Frau gha. Uf de Muettersite het de Wheeler e Cherokee-Abstammig gha.[4][5]

Einzelnochwis[ändere | Quälltäxt bearbeite]

  1. DoD identifies soldier killed in commando raid in Iraq. Army Times, 23. Oktober 2015.
  2. Aus schwierigen Verhältnissen zum amerikanischen Helden. Die Welt, 27. Oktober 2015.
  3. Kehrtwende am Boden. Frankfurter Allgemeine Zeitung, 24. Oktober 2015.
  4. U.S. Soldier’s Life, Recreated in Army, Ends in Combat. The New York Times, 23. Oktober 2015.
  5. U.S. Identifies American Killed in Iraq Raid as Master Sgt. Joshua Wheeler. The Wall Street Journal, 23. Oktober 2015.