Johannes Geiss
Dr Johannes Geiss (* 4. Septämber 1926 z Stolp (Pommern); † 30. Jänner 2020 z Bärn[1][2]) isch e dytsch-schwyzerische Physiker gsii.
Lääbe[ändere | Quälltäxt bearbeite]
Är isch e Suun vum Buur Hans Geiss un dr Irene Wilk gsii. Anne 1944 het er z Stolp e Nootabituur gmacht un noch em Zweete Wältchrieg vu 1947 bis 1950 an dr Universiteet Göttingen Physik studiert. Deert isch er anne 1953 mit ere Aarbet zue Isotopenanalysen an „gewöhnlichem Blei“ zum Dr. rer. nat. promoviert woore. Är het dno iber Geochronology an dr Universiteet Bärn un dr University of Chicago gfoorscht. Anne 1957 het er si an dr Universiteet Bärn in Experimentaalphysik habilitiert.
Vu 1958 bis 1959 isch dr Geiss Associate Professor an dr University of Miami gsii un het an dr Klimagschiicht vu dr Äärd gfoorscht. Anne 1960 isch er retuur chuu an d Universiteet vu Bärn un isch deert ab 1960 zeerscht usserooredelige Profässer gsii un derno vu 1964 bis 1991 oordelige Profässer un vu 1966 bis 1989 Diräkter vum Physikaalische Inschtitut. 1982/83 isch dr Geiss au Räkter vu dr Uni Bärn gsii un vu 1995 bis 2002 Co-Diräkter am International Space Science Institute z Bärn. 1981 isch er in dr Schwyz yybuurgeret woore.
Syni Foorschigsschwäärpinkt sin Geophysik gsii, d Chronology vu Äärd, Moond un Meteorite, d Physik vum Sunnesischtem un d Kosmology. In dr 1960er Joor het er as eerschte d Zämesetzig vu Eedelgaas im Sunnewind gliiferet un het in däm Zämehang bi fimf Apollomissioone as Foorschigslaiter mitgmacht. Zäme mit em Hubert Reeveshet dr Geiss di kosmisch Hyfigkait vu Deuterium bstimmt un di baryonisch Diichti vu 0,2 Atoom pro Kubikmeeter uusgrächnet.
Syter 1955 isch er mit dr Carmen Bach ghyroote gsii.
Uuszaichnige[ändere | Quälltäxt bearbeite]
Eerige un Mitgliidschafte[ändere | Quälltäxt bearbeite]
- 1978: Mitgliid vu dr National Academy of Sciences[6]
- 1978: Mitgliid vu dr American Academy of Arts and Sciences
- 1989: Mitgliid vu dr Academia Europaea[7]
- 2019: Eerig vu dr Universitet Bärn, Bronzeplaschtik vum Chinschtler Horst Bohnet[8]
- Eeredokter vu dr University of Chicago
Weblink[ändere | Quälltäxt bearbeite]
- Viktor Gorgé: Johannes Geiss In: Historisches Lexikon vo dr Schwiiz.
- dr Johannes Geiss am ISSI
Fueßnote[ändere | Quälltäxt bearbeite]
- ↑ Olivier Dessibourg, "Johannes Geiss, père du «drapeau suisse» déployé en juillet 1969 sur la Lune, est décédé", Heidi News, 2. Februar 2020.
- ↑ Neue Zürcher Zeitung vum 4. Februar 2020: Der Mann mit dem Sonnenwindsegel auf dem Mond: Johannes Geiss, Pionier der Weltraumforschung, ist tot vum Alois Feusi
- ↑ Verleihung der Albert Einstein Medaille an Johannes Geiss und Hubert Reeves. Abgruefen am 27. August 2013.
- ↑ Astrophysicist receives Albert Einstein medalsprache=en. Abgruefen am 27. August 2013.
- ↑ 2005 William Bowie Medal Winner Johannes Geiss. Abgruefen am 27. August 2013 (änglisch).
- ↑ Member Directory: Johannes Geiss. National Academy of Sciences, abgruefen am 8. August 2017 (englisch).
- ↑ Mitgliederverzeichnis: Johannes Geiss. Academia Europaea, abgruefen am 8. August 2017 (englisch).
- ↑ Book of Members 1780–present, Chapter G. (PDF; 931 kB) In: American Academy of Arts and Sciences (amacad.org). Abgruefen am 8. August 2017 (änglisch).