James Browning

Us der alemannische Wikipedia, der freie Dialäkt-Enzyklopedy
Dr James Browning
Dialäkt: Mìlhüüserdiitsch

Dr James Nathan Browning (* 13. März 1850 bii Arkadelphia, Clark County, Arkansas; † 9. Nowamber 1921 z’ Amarillo, Texàs) ìsch a àmerikànischer Politiker gsìì. Zwìscha 1899 un 1903 ìsch’r Vìzagouverneur vum Bundesschtààt Texàs gsìì.

sii Laawa un Kàrriar[ändere | Quälltäxt bearbeite]

Dr James Nathan Browning ìsch ànna 1850 uff’ma Büürahoof bii Arkadelphia ìm Süüda vum Bundesschtààt Arkansas uff d’ Walt kumma. Mìt viar Joohra hàt’r sii Vàtter verloora. Ar ìsch ìn d’ äffentliga Schüala vu siinera Haimet gànga. Wahrem Bìrgerkriag hàt’r nìt ìmmer ìn d’ Schüal känna geh, àwwer ar hàt salbscht naawa dr Schüal vììla Dìnga glarnt. Ànna 1866 ìsch’r mìt siinera Fàmìlia ìns Texàs kumma, wu-n-’r fìr ain Joohr ìm Stephens County àls Cowboy gschàfft hàt. D’rnooh hàt’r zamma mìt siim Brüader z’ Fort Griffin a Ranch betrììwa. Ar hàt d’rwillscht Racht gschtudiart un ìsch ànna 1876 z’ Albany àls Rachtsànwàlt züagloo worra. Ar ìsch z’äärscht Frììdarìchter gsìì, àwwer boll druff ìsch’r fìr zwai Joohra Bezirksschtààtsànwàlt ìm Shackelford County worra. Üsserdam hàt’r àn Sunntigsschüala unterrìchta. Ànna 1881 hàt’na dr Gouverneur Oran M. Roberts àls Schtààtsànwàlt ìm 35. Grìchtsbezirk vum Texàs ärnännt.

Ìn Politik ìsch dr Browning Mìtglììd vu dr Demokrààtischa Pàrtäi gsìì. Zwìscha 1883 un 1888 so wia nochamol ìn da Joohra 1891 un 1892 ìsch’r Mìtglììd ìm Represantàntahüüs vum Texàs gsìì. Därt hàt’r zittawiis dr Juschtizüssschuss glaita; ar ìsch àui Mìtglììd ìn da Üssschìss fìr Zuchthiiser un Bewässerung gsìì. Noh siinera Zitt ìm Represantàntahüss hàt’r sìch z’ Clarendon nììdergloo; doo hàt’r wììder àls Ànwàlt gschàfft. Ìm Joohr 1896 hàt’r z’ Amarillo zamma mìt’ma Pàrtner a Ànwàltsbüroo grìnda. Ànna 1898 ìsch dr Browning àn dr Sitta vum Joseph D. Sayers àls Vìzagouverneur vu siim Schtààt gwählt worra. Àn dara Schtälla-n-ìsch’r amol wììdergwählt worra, dàsmol àn dr Sitta vum Joseph D. Sayers — ar ìsch àlso vu 1899 bis 1903 Vìzagouverneur gsìì. Naawadràà ìsch’r Schtällvertratter vum Gouverneur un Vorsìtzender vum Schtààtssenààt gsìì. Nooh siinera Ziit àls Vìzagouverneur hàt dr Browning wììder àls Ànwàlt gschàfft. Ar ìsch àui Vorschtàndsmìtglììd vu dr Üniwärsiteet vum Texàs worra. Ànna 1904 hàt’r z’ Amarillo sii aiga Ànwàltsbüroo grìnda. Zwìscha 1906 un 1914 ìsch’r àls Bezirksrìchter taatig gsìì.

Dr Browning ìsch Fräimüürer un Mìtglììd vu dr methodìschta Kìrìch gsìì. Ar ìsch àm 9. Nowamber 1921 z’ Amarillo ìm Norda vum Texàs gschtoorwa. Ar ìsch därt uff’m Llano-Frììdhoof beardigt worra.

Dr James Browning hàt z’äärscht d’ Cornelia E. Beckham ghiiroota ghàà. D’ Ehafràui ìsch àwwer zwai Joohra schpeeter gschtoorwa. Àm 9. März 1879 hàt’r d’ Virginia Bozeman ghiiroota; mìt ìhra hàt’r fìmf Seehn un viar Techter ghàà.

Lìteràtüür[ändere | Quälltäxt bearbeite]

  • H. Allen Anderson: Browning, James Nathan (1850–1921). In: The Handbook of Texas Online. Texas State Historical Association, 1952 (amerikanisches Englisch, tshaonline.org [abgerufen am 25. Mai 2023]).
  • Browning, James Nathan (1850-1921). In: Lawrence Kestenbaum (Hrsg.): The Political Graveyard. (amerikanisches Englisch, politicalgraveyard.com [abgerufen am 25. Mai 2023]).

Weblìnks[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „James_Browning“ vu de hochdütsche Wikipedia. E Liste vu de Autore un Versione isch do z finde.