S Jüüdische Museum vo dr Schwiz

Schild zum jüdische Museum

Dialäkt: Baseldütsch

S Jüüdische Museum vo dr Schwiz befindet sich z Basel an dr Vesalgasse 5 (bis 2025: Kornhuusgass 8).

Es zäigt dr rychi kulturelli und historischi Schatz vo de Juude in dr Schwiz. Rituelli Geegeständ mache s jüüdische Lääbe aaschaulig. Die jüüdischi Leer, s jüüdische Joor und s dääglige Lääbe wärde anhand vo Objekt daargstellt. Zum Bischbil het s e Saal, wo ganz dr jüüdische Hochzit gwidmet isch.

Ende November 2025 wurde es nach fünf Jahren Planung und Umbau mit einer neuen Dauerausstellung und Arbeiten von Frank Stella am neuen Standort an der Vesalgasse 5 in Basel wieder eröffnet.

wie s entstanden isch

Dr Beärdigungsveräin «Espérance» het d Iniziative zur Gründig vom ene Jüüdische Museum in dr Schwiz ergriffe, und ane 1966 isch s Museum z Basel ufdoo worde.

D Basis vo dr Sammlig si «Judaica» gsi, wo s Jüüdische Museum vom Schwizerische Museum für Volkskund (hüte Däil vom Museum vo de Kulture) übernoo het.

syni Sammlig

Vo dr Gschicht vo de jüdische Gmeind z Basel git s Schriftstück, hebräischi Druck us Basler Druckereie us em 16. bis 19. Joorhundert und Graabstäi us de Frdhööf vo de zwäi middelalterlige jüüdische Basler Gmäinde.

E wichdigs Usstelligsguet si d Dokumänt und Objekt vom erste Zionistekongräss, wo in dr Rhiistadt stattgfunde het. Au d Zit vom Zwäite Wältchrieg isch dokumentiert.

Drzue het s Objekt us em Alterdum, zum Bischbil e röömische Menora-Ring us em 4. Joorhundert, wo mä im Joor 2001 z Kaiseraugst gfunde het, und Keramik us biblischer Zit.

Reegelmässig tuet s Museum Sonderusstellige organisiere, wo s Wüsse über verschidnigi Beriich vom Juudedum ergänze und verdiefe.

S Museum organisiert sit 1999 all Joor für d Schwiiz dr Europäisch Tag vo der Jüdische Kultur.

Ändi Novämber 2025 isch no fümf Joor Planig und Umbau mit ere nöie Duuriusstellig und Arbete vom Frank Stella am nöie Standort an der Vesalgasse 5 wider ufgmacht worde.

Lueg au

• Museum z Basel

Litratuur

• Simone Rosenkranz: Torawimpel, Würfel, bemalte Holzbrettchen und eine Viehschere. Die jüngsten Sammlungszugänge des Jüdischen Museums in einer Sonderausstellung. In: Schweizer Monatshefte. Zeitschrift für Politik Wirtschaft Kultur. Heft 11/12, November/Dezember 2006, S. 52f.

Weblingg

• Wensite vom Jüdische Museum vo der Schweiz

Dä Artikel basiert uff ere fräie Übersetzig vum Artikel „Jüdisches_Museum_der_Schweiz“ vu de dütsche Wikipedia. E Liste vu de Autore un Versione isch do z finde.

47.5565067.583333