Imam-Ali-Moschee (Nadschaf)

Us der alemannische Wikipedia, der freie Dialäkt-Enzyklopedy
D Imam Ali Moschee

D Imam-Ali-Moschee (arabisch حرم الإمام علي‎) isch e Moschee z Nadschaf im Irak. Si zelt zu de wichdigste Häiligdümer vo de Schiite, wil si glaube, ass dört dr Schwiigersoon und Gusää vom Brofeet Muhammad, dr Ali ibn Abi Talib, begraabe isch, und dä isch iirem Glaube nooch dr äinzig legitimi Noochfolger vom Mohammed gsi.

Gschicht[ändere | Quälltäxt bearbeite]

Mä vermuetet, ass d Moschee im Joor 977 zum erste Mol vom Buyid Adud ad-Daula baut worde isch. Si isch aabebrennt, und dr Herrscher vo de Seldschuke, dr Malik Schah I., het sä im Joor 1086 wider ufbaut. Spööter het mä d Moschee non e baar Mol umbaut und erwiteret.