Hubert Ott
| Dialäkt: Mìlhüüserdiitsch |
.jpg)
Dr Hubert Ott (* 6. Jüüni 1964 z’ Kolmer, Owerelsàss) ìsch a frànzeescher Politiker vu dr Pàrtäi Mouvement démocrate (MoDem). Sitter 2022 ìsch’r Àbgoordnet’r vum Owerelsàss ìn dr Nàzionààlversàmmlung.
siina Kàrriar
[ändere | Quälltäxt bearbeite]Dr Hubert Ott ìsch Lehrer vu da Nàtüürwìssaschàfta-n-àm Champagnat-Ìnschtitüüt z’ Isana ìm Owerelsàss. Ànna 1991 ìsch’r Vorsìtzender vum Umwaltschutz-Verain Rouffach Incitation Nature worra.[1]
Ànna 1995 ìsch’r Opposizioons-Gmaindaroot z’ Ruffàch worra.[2] Ànna 2008 ìsch dr Ott Mìtglìed ìn dr Pàrtäi Mouvement démocrate (MoDem) worra;[1] schpeeter ìsch’r nàzionààler Delegiart’r vu dr Pàrtäi worra.[3] Àb 2014 ìsch’r àui Mìtglìed ìm Root vum Kommünààlverbànd Pays de Rouffach, Vignobles et Châteaux gsìì.[2]
Àn dr Pàrlàmantswàhl vu 2017 hàt sìch dr Ott ìm 2. Wàhlkrais vum Owerelàss uffgschtällt. Ar ìsch àn dr zwaita Runda vum Jacques Cattin (LR) gschlààga worra.[2] Àn dr Pàrlàmantswàhl vu 2022 ìsch’r ìm gliicha Wàhlbezirk àls Àbgoordnet’r gwählt worra, àls Kàndidààt vum Pàrtäibìndniss Ensemble. Àm zwaita Wàhlgàng hàt’r 52,90 Prozant vu da Schtìmma geega dr Cattin bikumma.[4] Sii bäschter Schtìmma-n-ààtail hàt’r z’ Gawerschwihr bikumma (62,61 Prozant).[5]
Dr Ott ìsch fìr dr Üüsstrìtt vum Elsàss üss dr Regioon Groosa-n-Oschta. Ar ìsch àui fìr d’ Àbschàffung vu da Ärbschàftsschtiira fìr d’ Fàmìlia-n-unternamma.[3]
Dr Hubert Ott hàt a Tochter, d’ Hélène, un zwai Seehn, wo Auguste un Théodore haissa. Dr Auguste ìsch Vorsìtzender vu da Jeunes Démocrates, dr Jugendàbtailung vum MoDem, un pàrlàmäntàrischer Mìtàrwaiter vum Öiropäischa-n-Àbgoordnet Christophe Grudler.[2]
Weblìnks
[ändere | Quälltäxt bearbeite]- Ìm Hubert Ott siina offiziälla Websitta (frànzeesch)
- Dr Hubert Ott ìn dr Àbgoordneta-Dàtabànk vu dr Nàzionààlversàmmlung (frànzeesch)
Ainzelnoohwiisa
[ändere | Quälltäxt bearbeite]- ↑ 1,0 1,1 Maud Czaja: Législatives : qui est Hubert Ott, le nouveau député de la 2e circonscription du Haut-Rhin ? France Bleu, 19. Juni 2022, abgruefen am 29. Juni 2022 (französisch).
- ↑ 2,0 2,1 2,2 2,3 Édouard Cousin: Hubert Ott : un long engagement récompensé. In: L’Alsace. 20. Juni 2022, abgruefen am 29. Juni 2022 (französisch).
- ↑ 3,0 3,1 Audrey Nowazyk: Circonscription de Ribeauvillé-Guebwiller : Hubert Ott veut sortir l’Alsace de la paralysie du Grand Est. In: L’Alsace. 27. Mai 2022, abgruefen am 29. Juni 2022 (französisch).
- ↑ Elections législatives 2022 : Haut-Rhin (68) - 2ème circonscription. Frànzeesch Ìnnaminìschterium, abgruefen am 29. Juni 2022 (französisch).
- ↑ Audrey Nowazyk: 2e circonscription : Hubert Ott rassemble largement sur son territoire. In: L’Alsace. 20. Juni 2022, abgruefen am 29. Juni 2022 (französisch).