Hinterdupfinge
Hinterdupfinge oder Hindertupfige (bairisch-österreichisch: Hintertupfing) isch dr Namme vun ere fiktive Ortschaft.[1][2] Do drunter verstoht mer e seli chlei un arg abgläge Dorf. Dr Volkskundler Lutz Röhrich git as Bedytig vu dr Redewändig „vu Hintertupfinge syy“ mit „e rächte Hinterwäldler sy“ un mit „in ere Ortschaft wohne, wu ab vu jeder Zivilisation lyt“.[3]
Dr Begriff isch um 1920 ufchuu un wird in dr sidlige Helfti vum dytsch Sprochruum brucht. Anderi Bezeichnige fir sonigi fiktive Derfer sin Posemuckel (Nordweschtdytschland) oder Kleinkleckersdorf (Nordoschtdytschland).
E norwegische Buppetrickfilm vu 1975 isch z Dytschland as Hintertupfinger Grand Prix ufgfiert wore.[4]
Quälle
[ändere | Quälltäxt bearbeite]- ↑ Heinz Küpper, Illustriertes Lexikon der deutschen Umgangssprache, Stuttgart 1983, Artikel Hintertupfingen
- ↑ Uswertig vo de Universität Augschburg zu de Verbreitig vo umgangssproochliche Bezeichnige für abgelegenes Dorf
- ↑ Lutz Röhrich, Das große Lexikon der sprichwörtlichen Redensarten, Freiburg im Brg. 1992, Artikel Hintertupfingen
- ↑ imdb.de – Hintertupfinger Grand Prix (Site cha nüme abgrüeft wärde; Suche im Webarchiv)