Hilfe:Internationalisierung

Us der alemannische Wikipedia, der freie Dialäkt-Enzyklopedy
Hops zue: Navigation, Suech

In de meiste Artikel vo de Wikipedia findet mer uff de linke Site under em „Werkzügchästli“ e Fäld mit em Titel „Anderi Sproche“. D'Gleicher in sällem Fäld verwyse uff e Artikel in andere Sprochversione, wo genau s glych Thema behandle. Mer nännt si Interwiki-Gleicher, Interwikis oder ähnlig.

Ysetze vo Interwiki-Gleicher[ändere | Quälltäxt bearbeite]

Wenn dr e neue Artikel gschrybe häsch oder eine gfunde häsch, wo no keini Interwikis dinne hättsch, no chasch (und sottsch) si ergänze.

Dodezüe rüefsch in re andere Sprochversion de Artikel uff, wo s glych Thema behandelt (du müesch dr aber sicher sy, dass es au de richtig isch!). Wenn dr dört uff „Site bearbeite“ drucksch, no findsch ganz am Änd vom Bearbeitigsfänschter e Liste vo Interwiki-Gleicher. Si sehe (im Artikel Deutschland uff de dütschsprochige Wikipedia) eso us:

[[af: Duitsland]]
[[am: ጀርመን]]
[[an: Alemaña]]
[[ang: Þēodiscland]]
...

Vor em Doppelpunkt stoht s (zwei- oder dreistellig) Sproch-Chürzel vo-n-re Wikipedia, dehinder de Titel vom Artikel säller Wikipedia. Bispyl: „af“ stoht für d'Wikipedia uff Afrikaans. De Artikel über Dütschland heißt dört „Duitsland“, s Interwiki-Gleich siht also eso us: [[af: Duitsland]].

S Sproch-Chürzel vo de Alemannische Wikipedia isch „als“. Wenn dr also s Interwiki-Gleich yfiege wottsch, no tippsch dört, wo's noch alphabetischer Reihefolg aneghört (im obige Bispyl zwüsche „af“ und „am“): [[als: Deutschland]]

Am beste isch's, de kopiersch di ganzi Liste vo de Interwikis deno und setzisch si im Alemannische Artikel y. Dodeby losch nadürlig s als-Gleich eweg und setzisch s Interwiki-Gleich uff sälli Wikipedia-Sprochversion y, wo dr d'Liste här häsch. Wenn dr des nit machsch, no wird's innerhalb vo e baar Däg vo me Interwiki-Bot erledigt.

Uff em Toolserver git's e Site, wo mer d'Site vo zwei Brojäkt näbe-n-enand darstelle und drüber entscheide cha, ob e Interwiki-Gleich nötig isch.

Lüeg au[ändere | Quälltäxt bearbeite]