Herre vo Lägern

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Rest vo de Muure vo de Burg Lägern

D Herre vo Lägern sind es Adelsgschlecht in de Schwiiz gsi, wo me gar nöd vil devo weiss. Si sind numme im 13. Johrhundert belegt, wo si Dienschtlüt vo de Rägeschbärger z Rägeschbärg si gsi. Vermuetlich hei si in de Ziite vo de Gründig vo dem Schtädtli in de Johr 1244 bis 1246 ihri Burg, vo dere me hüt no Überräscht uf de Lägere findt, laa baue. D Burg isch scho vor em 1300 zerstört und nüm noi ufbaut worde. D Herre vo Lägern sind in dere Ziit vermuetlich verarmt und usschtorbe. Jedefalls tauchet si schpöter in keiner Urkund me uf.