Hengstenberg (Unternäme)

Hengstenberg GmbH & Co. KG
Unternähmensform	GmbH & Co. KG
Gründig	1876
Sitz	Esslenga, Dytschland
Leitig	Gschäftsfierer: Andreas Reimer (Vorsitzer) Philipp Hengstenberg Henri Pillot
Mitarbeiter	605
Umsatz	136,7 Mio. EUR
Branche	Nahrigsmittelinduschtry
Uffdritt im Netz	www.hengstenberg.de

D Hengstenberg GmbH & Co. KG isch e 1876 grindet Familienunternäme us dr Lääbesmittelinduschtry mit Sitz z Esslenga.

Gschicht

Mit 18.000 Mark, dr gsamte Mitgift vu syre Frau, isch dr Richard Alfried Hengstenberg anne 1876 in e Essigfabrik im wirttebäärgische Esslenga yygstiige. Di eerschte Produkt vum Unternäme Kallhardt & Hengstenberg sin Gugumere, Essig un Sämf gsii. Zwai Joor speeter isch dr Sozius uusgstiige un dr Richard Alfried Hengstenberg het s Unternäme elai fuurtgfiert. Wäg em Wagsduum vum Bedriib isch mer 1895 vum bishäärige Standoort in dr Esslenger Altstadt uf e greeßer Gländ in dr Mettinger Strooß am Stadtrand umzooge. S Unternäme het anne 1932 wältwyt s erscht paschterisiert Suurchrut uf dr Määrt broocht. Syter 1950 fillt s Unternäme Essig in verbruuchergräächti Fläschegreeßine ab, glyychzytig isch d Maarke „Altmaischter“ (dt. Altmeister) fir die Essig entstande. Fir s produziert Suurchrut isch anne 1953 dr Maarkename „Mildessa“ erfunde woore, 1964 isch dr Maarkename „Rotessa“ fir Rootchrutprodukt yygfiert woore. Syter 1967 bietet s Unternäme unter dr Maarke „Oro di Parma“ mediterraan Tomaateprodukt aa. Anne 2009 isch dr Hauptsitz uf Esslenga-Zell verlait woore. Siibe Joor lang isch Esslenga-Zell dr Standoort vu dr Fiirmezentraal gsii, anne 2016 isch s Unternäme wider retuur an sy eemoolige Standoort in Mettinger Strooß uf s Hengstenberg-Areal z Esslenga zooge.

Produkt

Wysschrut wird ins Wäärch Fritzlar gliiferet

S Unternäme entwicklet un produziert an Standoort z Bad Friedrichshall un z Fritzlar Suur-, Wyyessig- un Fyynchoschtartikel. Z Esslenga isch d Hauptverwaltig, bis anne 2010 isch deert au no ne chlaine Dail vu dr Essigprodukzioon gsii.

S Sortimänt umfasst rund 140 verschiiden Artikel wie zem Byschpel Suurchrut, Essiggiirkli oder Sämf, Hengstenberg liiferet syni Produkt in rund 40 Länder. Fir verschiideni Määrt wäre länderspeziifischi Sortimänt aabote. Im US-amerikaanische Ruum, aber au z Fäärnoscht, vor allem z Japan wird z. B. s „Bavarian Style Sauerkraut“ verdriibe.

Mer chännt d Maarkenäme Knax, Mildessa un Oro di Parma. Z Dytschland isch Hengstenberg Määrtfierer bim Suurchrut.

Weblink

• www.hengstenberg.de

Fueßnote

Dä Artikel basiert uff ere fräie Übersetzig vu dere Version vum Artikel „Hengstenberg_(Nahrungsmittelhersteller)“ vu de dütsche Wikipedia. E Liste vu de Autore un Versione isch do z finde.