Heike Hennig

D Heike Hennig (2008)

Heike Hennig (* 8. Novämber 1966 z Leipzig) isch e dütschi Reschissöörin, Choreografin und Läitere vom Opere- und Danzansambel Heike Hennig & Co.

Lääbe und Wärk

D Heike Hennig het modärne Danz, Choreografii und Body-Mind-Centering z Köln und am Moving On Center - School for Participatory Arts and Research, in Oakland, Kalifornien, USA, studiert. Denn isch si uf Brasilie und Portugal go schaffe. 1995 isch si zrugg uf Leipzig zurück und het dört vo 1998 aa as freischaffendi Choreografin und Dänzere gschafft. Si het an dr Palucca Schuel Dresde, dr Uniwersidäät Leipzig und an dr Hochschuel für Grafik und Buechkunst Underricht gee.

Zämme mit em Friedrich U. Minkus het si 2000 s FZTM - Forum Zitgenössische Danz und Muusig gründet und iir Ansambel Heike Hennig & Co z Leipzig. As künstlerischi Läitere het si mee as 15 Büünestück und 30 interdisziplinäri Kunstprojekt an verschiidene Büüne und Instituzioone entwigglet. Iir Zeit - tanzen seit 1927 und d Fortsetzig ZeitSprünge isch s erfolgriichste Wärk vo dr Hennig und isch mee as 30 mol z Leipzig und uf internazionale Festival ufgfüert worde.

Litratuur / DVD

• Marion Appelt: Tanz mit der Zeit, Leipzig, Plöttner Verlag 2008, ISBN 978-3-938442-45-6
• Sigrid und Hansdieter Hoyer über Zeit - tanzen seit 1927 in: Links, wo Fausts Schuh blitzt: Leipziger Passagen, Wien, Picus Verlag 2008, ISBN 978-3-85452-938-5
• Trevor Peters: Tanz mit der Zeit, Berlin, Good Movies/Ventura 2009, Indigo, DVD 926328
• Sebastian Göschel über Estha in: Arbeit und Rhythmus, München, Wilhelm Fink 2009, ISBN 978-3-7705-4766-1
• Hagen Wiel: Maria XXX - Der FILM, Leipzig, DVD im Label von Heike Hennig & Co 2011
• Heike Hennig u. a.: Modell Autodidakt, Berlin, Panama Verlag 2011, ISBN 978-3-938714-17-1

Weblingg

• Heike Hennig & Co offizielli Houmpeidsch

Dä Artikel basiert uff ere fräie Übersetzig vum Artikel „Heike_Hennig“ vu de dütsche Wikipedia. E Liste vu de Autore un Versione isch do z finde.