Harlekin
Dr Harlekin, vom italiänische Arlecchino, wo sälber uf die no eltere altfranzösische Wörter (h)arlekin, (h)erlekin, (h)ellequin, harlequin und ähnligi us em 12. Johrhundert zrugggoht, isch eini vo de Dienerfigure us dr Commedia dell’arte vo dr Renaissance. Vo dört isch s e beliebti Figur an Fasnächt und Karneväl worde.
Kostüm
[ändere | Quälltäxt bearbeite]Charakteristisch für e Harlekin isch si Kostüm, wo mit farbige Flick übersäit isch, gwöhnlig in de Farbe rot, gääl und blau, wo söll usdrucke, wie arm er isch. E schwarzi Augelarve verstecktt s Gsicht vom Harlekin. Uf em Kopf het er e Chappe, wo im 16. Johrhundert, zur Zit, wo dr Harlekin entstanden isch, mit ere Güggelfädere verziert gsi isch. Spöter het mä as Verzierig meistens e Fuchs- oder Chüngelischwanz gnoh. D Hose und s Jäggli si äng, dr Gürtel wit under em Buuchnabel. Am Gürtel drait dr Harlekin immer e Brättli oder e Schwärt us Holz, wo men em «batte» sait. Mänggisch het er e Seggli us Läder für d Dukate bi sich, won er mit Hinderlist erbütet.