Hans Trapp

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
'Dr Hans Trapp 1953 z Wìnzne (Elsass)

Dr Hans Trapp oder Drapp isch im Elsass e bese Begleiter vum Nigelaüs oder vum Chrischtkindli gsii – je noch Ort isch diä eint oder diä ander Varianti vorkumme, wu im Elsass no alemannischi Dradition pflägt wore isch. E Spottvärsli vu dr Kinder het gheiße:

"Hanstrapp, kumm erab, mit de lange Zipfelkapp ..."

Dr hischtorisch Hans Trapp isch dr Hans von Trotha (vor 1467 bis 1503) gsii, är isch Ritter uf dr Burg Berwartstein gsii un Marschall vum Kurfirst vu dr Pfalz. Diä Burg, wu ner vum Kurfirscht as Lehe bikumme het, het aber im Gloschter Wisseburg ghert un do drüs isch Stritt un Griäg entstande. Bi däm soll dr von Trotha brutal vorgange sii – so gits e Gschicht, noch däre heb er dr Fluss Lauter dur e Damm stoiä lo, dur des seig e große See entstande. Drno hebe sini Lit dä Stoidamm durgstoche un d Fluete hebe s Gloschter Wisseburg iberschwämmt.

Dr Henri Torlotting schribt in dr "Heimet": "Er isch e ganz gemeiner Fetze gsin, e Raubritter wie es im Büech steht; er hett d'Litt tyrannisiärt bis ans Änd vu sinnere Herrschaft, in dr Gegend vom Wasgau (Pfalz)."

Wäge däne Eigeschafte het er im Elsiss un in dr Pfalz as "Schwarze Ritter" zum Kinderschräcke kenne wäre.

Literatür[ändere | Quälltäxt bearbeite]

  • Henri Torlotting, De Hans Trapp un sini Gschicht. In: D'Heimet zwische Rhin un Vogese - La tribune des dialectes alémanique et francique, Novamber 2001.

Weblink[ändere | Quälltäxt bearbeite]

 Commons: Hans Trapp – Sammlig vo Multimediadateie