Guido Baumann

Dr Guido Baumann (* 15. Jänner 1926 z Romanshorn; † 23. Dezämber 1992 z Minche) isch e Schwyzer Schurnalischt gsii.

Lääbe

Dr Guido Baumann het Germanischtik, Anglischtik un Theaterwisseschaft studiert. Anne 1958 het er as Quizmaster mit dr Sändig Hart auf Hart debütiert, wu aber erfolgloos bliiben isch. Vu 1957 bis 1962 het er bimWDR un vu 1962 bis 1964 bim BR gschafft. Im Joor 1969 het er d Laitig vu dr Unterhaltigsabdailig bi Radio Züri in dr SRG ibernuu. 1973 isch er zum Unterhaltigsschef vum dytschsproochige Schwyzer Fäärnsee ufgstiige.

Sy greeschti Popularitet het dr Guido Baumann iiberchuu as «Rootfugs» im Rootspiil Was bin ich?, wun er vyylmool schon o weenig Antwoorte vum Gascht däm sy Beruef groote ghaa het. S gsamt Rootteam het 1967 di „Goldene Kamera“ iiberchuu. Noch em Dood vum Moderaater Robert Lembke het dr Baumann versuecht, s Kunzäpt unter em Titel Heiter weiter bi SAT 1 wyterzfiere, des isch aber misslunge.

Erfolgryych isch er as Fäärnseemoderaater mit em Quiz Sag die Wahrheit in dr 1960er un 1970er Joor gsii, un au as Autoor un Mitbroduzänt vu dr as Samschtigoobe-Unterhaltigssändig Wünsch Dir was, wu dr Dietmar Schönherr un syni Frau Vivi Bach bresäntiert ghaa hän un wu aafangs 1970er Joor z Dytschland, z Eeschtryych un in dr Schwyz zaigt wooren isch.

Dr Baumann isch dreimool ghyroote gsii. Är isch anne 1992 im Alter vu 66 Joor an Lääberchräbs gstoorbe.

Filmografy

As Autoor:

• 1961: Napoleon für drei Tage
• 1965: Evergreens: Melodien, die ewig jung bleiben
• 1965: Bekannte Namen im Examen
• 1968: Professor Columbus

As Daarsteller:

• 1966: Sperrbezirk (Film)
• 1966: Eine kleine Harmonielehre
• 1969: Ich bin ein Elefant, Madame
• 1971: Professor Sound und die Pille - Die unwahrscheinliche Geschichte einer Erfindung
• 1971: Glückspilze
• 1976: Klimbim; Folg 18 (Comedy-Fäärnsehseerie)
• 1979: Traumschiff nach Casablanca
• 1983: Die wilden Fünfziger
• 1984: Blaubart

Weblink

• Guido Baumann bi filmportal.de
• Guido Baumann in dr Internet Movie Database

Dä Artikel basiert uff ere fräie Übersetzig vu dere Version vum Artikel „Guido_Baumann“ vu de dütsche Wikipedia. E Liste vu de Autore un Versione isch do z finde.