Graffiti

Us der alemannische Wikipedia, der freie Dialäkt-Enzyklopedy
E Graffito

Graffiti, italienisch Singular Graffito, stoot as Sammelbegriff für thematisch und gstalterisch underschiidligi sichtbari Elimänt, zum Bischbil Bilder, Gschribnigs oder Zäiche, wo mit verschiidene Technike uf Oberflechene im brivate und im öffentlige Ruum gmacht wärde.

D Problematik[ändere | Quälltäxt bearbeite]

Graffiti im öffentlige Ruum wärde mäistens under Psöidonüüm und illegal gmacht. Uf dr äinte Site wärde si vo vile as Wandalismus aagluegt, uf dr andere Site si si, zum Däil wenigstens, au as Kunst anerkennt. [1]

Öffentligi Instituzioone brobiere s Brobleem vo de Graffiti in d Hand überzchoo. Vili Gmäinde gääbe spezielli Flechene frei, wo mä daf sprüeje, aber usser an dene Ört, isch s Mache vo Graffiti mäistens illegal. Vor allem Geböid und öffentligi Vercheersmiddel si betroffe, und s Abmache vo unerlaubte Graffiti chostet jedes Joor z Dütschland elläi Hunderti vo Millione.[2] S Verhindere vom illegale Graffitimache isch schwiirig. Mänggisch verbietet mä dr Bsitz vo entsprächende Wärkzüüg, oder mä moolt Wänd mit bsundrige Farbe aa, wo Sprüefarbe nid dra chlääbe bliibe. Hälfe duet s nume wenig, wil d Graffitimacher d Schwiirikäte, wo men ene in Wääg läit, vilmol as Däil vom Abentüür gseen.

Äim, wo Graffiti mit Sprüedoose macht, säit mä vilmol Sprayer (änglisch für Sprüejer).

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Graffiti – Sammlig vo Multimediadateie

Fuessnoote[ändere | Quälltäxt bearbeite]

  1. Markus Tschann: Zwischen Kunst und Vandalismus. In: derStandard. 20. November 2007.
  2. Pressemitteilung des Zentralverbandes der Deutschen Haus- und Grundeigentümer Haus & Grund kritisiert öffentliche Förderung des Graffiti-Festivals in Berlin. In: haus-und-grund.net. 17. August 2005, archiviert vom Original am 20. Januar 2015; abgruefen am 20. Januar 2015 (änglisch).
Dä Artikel basiert uff ere fräie Übersetzig vum Artikel „Graffiti“ vu de dütsche Wikipedia. E Liste vu de Autore un Versione isch do z finde.