Golf

Golf isch e dradizionelli Ballsportart. S Ziil isch mit mögligst wenig Schleeg e chliini Balle noch de offizielle Golfreegle, vom Abschlag in s Loch z spiile. Je noch dr Art vom Schlag, wo under de Umständ am beste isch, setzt mä verschiideni Golfschleeger ii. E Golfrunde bestoot mäistens us 9 oder 18 Spiilbaane, wo nochenander uf em Golfblatz absolviert wärde.

Dr internazionali Dachverband isch die International Golf Federation, wo 132 Mitgliidsverbänd us 126 Länder het. Im Ganze git s uf dr ganze Wält mee as 60 Millione organisierti Golfspiiler.

E baar Fachbegriff

Fachbegriff	Bedütig
Par	D Zaal vo de Schleeg, won e seer guete Spiiler (e Scratch-Golfer, wo Handicap 0 spiilt) im Durchschnitt brucht, zum d Balle vom Abschlag in s Loch zu spiile und wo für jedes Loch separat definiert isch.
Handicap	e Faktor, wo jedem Spiiler vo sim Verband zuedäilt wird uf Grund vo wie stark er spiilt.
Scratch-Golfer	en usgezäichnete Golspiiler, wo im Durchschnitt Par spiilt, vilmol e Brofi
Rabbit	(Chüngel) en Aafänger
Ass (engl. „Ace“), Hole-in-one	e Schlag, wo d Balle diräkt vom Abschlag ins Loch beförderet
Condor (au Double Albatross oder Triple Eagle)	vier Schleeg under Par
Albatros (englisch (UK): Albatross, englisch (USA): Double Eagle)	drei Schleeg under Par
Eagle	zwäi Schleeg under Par
Birdie	äi Schlaag under Par
Par oder Even	genau Par
Bogey	äi Schlaag über Par
Double Bogey	zwäi Schleeg über Par
Triple Bogey	drei Schleeg über Par

Litratuur

Tony Dear: Birdie! Die ganze Welt des Golf. („Every golf question you ever wanted answered“). Copress-Verlag, Münche 2008, ISBN 978-3-7679-1027-0.
André-Jean Lafaurie: Le Golf: son histoire de 1304 à nos jours. Grancher Depot, Bariis 1988, ISBN|2-7339-0189-3
Duncan Lennard: Golf secrets. Die besten Tricks der Tourspieler. („golf secrets of the pros“). Kosmos, Stuttgart 2011, ISBN 978-3-440-12767-4.
Vivien Saunders: Das Golf-Handbuch. Ein vollständiger Führer für das grösste aller Spiele. („The golf handbook“). 5. Uflaag. Hamburg 2000, ISBN 3-86132-535-7.
Claudia Schramm: The importance of golf and its effect on the tourism industry. A state of the art analysis of the tourist product sport, especially in regards to the game of golf. VDM Verlag Müller, Saarbrücke 2009, ISBN 978-3-639-02863-8.

Weblingg

Commons: Golf – Sammlig vo Multimediadateie

Dä Artikel basiert uff ere fräie Übersetzig vum Artikel „Golf_(Sport)“ vu de dütsche Wikipedia. E Liste vu de Autore un Versione isch do z finde.