Gmeindshuus vo Affoltere

Us der alemannische Wikipedia, der freie Dialäkt-Enzyklopedy

S alti Gmeindshuus vo Affoltern isch im Johr 1817 bauet worde und isch öppe vom Johr 1900 bis 2007 s Gmeindshuus vo Affoltere am Albis gsi.

D Lag und d Umgebig[ändere | Quälltäxt bearbeite]

S alti Gmeindshuus

S Gmeindshuus isch im Zentrum vom Unterdorf an de Zürichstrasse, wo am Jonebach vorbi füürt. S Gebäude isch numme vo wenige andre Gebäude umgäh. Im Norden isch s Huus vo de Wasserversorgig und s Reschtaurant Central. Im Oschte isch Wäschhüüsli vo de reformiirte Chile und en chliner Schpilplatz, wo aber numme e Schaukle het. Im Süde isch s Pfarrhuus.

Gschicht und d Nutzig[ändere | Quälltäxt bearbeite]

Im 1817i isch s Huus bauet worde, am Aafang als Schuel. S het Muure us Stei, e doppelläufigi freii Stäge, wo us Sandschtei isch und vili Fäischter. S grosse Schuelzimmer im Hauptgeschoss het d südlichi Hälfti vom Ruum in dere Etage iignoh. Näbe dra isch es chlises Unterichtszimmer gsi. Ei Etage drüber hets e Lehrer-Wohnig mit füf Zimmer gha. Sit öppe 1900 isch s Huus als Gmeindshuus bruucht worde. Wils aber für di ganz Verwaltig z chli isch gsi, hei scho bald einzlni Abteilige müesse usglagerte wärde.

Über di witeri Nutzig vom Gebäude isch no ned entschide. Möglicherwiis wird's vo de Chilegmeind übernoh.