Gamso

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Gamso
S Wappe vo Gamso
Basisdatä
Staat: Schwiiz
Kanton: Wallis (VS)
Bezirk: Brigw
Gmeind Brig-Glis
PLZ 3900
Koordinate: 639484 / 12816246.3037047.95114661Koordinaten: 46° 18′ 13″ N, 7° 57′ 4″ O; CH1903: 639484 / 128162
Höchi: 661 m ü. M.
Iiwohner: 550 (1. Juli 2009)[1]
Charte
BEMERKUNG_KARTE=wwww

Gamso, Hochdyttsch: Gamsen, isch en Teil va der Gmeind Brig-Glis im Kanton Wallis. Gamso hed ca. 550 Iwohnra (Stand: 1. Juli 2009).

D Härchunft vam Namo isch nid genau giklärt, es wid aber vermüätot, dassos schi vo Gemse ableitot.

Geografi[ändere | Quälltäxt bearbeite]

Gamso liit drii Kilometer va Brig ewäg am Igang zum Nanztälli. Z Dorf sälber liit ufru chleino Ahechi, z Industriegebiet lit inner Ebni am Rottu. Die Gamsa, dr Bach wa dum Nanztälli entchunt, durchfliesst z Gebiät va Gamso, isch hitto aber zu grosso Teilo uberdeckt und verlöift unerirdisch, bisser inu Rottu mindut.

Allgmei hed Gamso kei grossi Bevelkrigsabnahm, da's wägs sinra ruiga Lag als Wohnort gschätzt wird.

Gschicht[ändere | Quälltäxt bearbeite]

Funda bewiesond, dass z Gebiät va Gamso scho vor rund 3000 Jahr bewohnts isch gsi. Im Mittelalter isch Gamso de en eigni Gmeind gsi, hed de aber mit Glis und speter mit Brig zu Brig-Glis fusioniert. Z hittig Dorfbild isch, voallem im Dorfchäro, aber immerno vane alto Hischini giprägt. So gits hito no mehreri Hischini und Ställtini wa bereits uber 500-jährigi si und gli no gibrüchti chumunt.

Schüäl[ändere | Quälltäxt bearbeite]

Gamso hed es eigos Schialhischi, wells mit dem va Brigerbad zämoarbeitot. Allerdings wird d Schüäl va Gamso abdum Schüäljahr 2009/2010 mit dera va Glis zämogleit. So wird i dem Schüäljahr nurno d 5. und 6. Klass z Gamso unerrichtot, ab 2010/2011 wird d Schüäl z Gamso gschlossni blibo.

D witterfiehrondo Schüäli wie d OS und z Kollegium befinunt schi z Brig.

Vercher[ändere | Quälltäxt bearbeite]

Gamso isch güät ans regionalo Verchersnetz agibunus. So fahrt zwei bis dri Mal inner Stund en Bus va Brig na Visp und zwei Mal eino va Visp nach Brig durchs Dorf. Mim Auto isch Gamso problemlos erreichbar.

Friener heds öi en Haltestell vaner BVZ (hito MGB) und en Seilbahn uf Mund gigäh. Beides isch aber hito nimmo in Betrieb.

Wappo[ändere | Quälltäxt bearbeite]

Z Wappo va Gamso zeigt d Landmüra ufmo roto Grund un en blawe Himmel. Obs der Müra gseht mu drii Goldigi Stäro.

Weblink[ändere | Quälltäxt bearbeite]

  • Bundesamt för Statistik uf bfs.admin.ch