Freskekapälle Birmischtorf

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Freskekapälle isch e Kapälle uf em Friedhof z Birmischtorf i de Schwiiz. Si isch zerscht dr Choor vo de alte paritätische Chile vom Dorf gsi. Wäge de Wandbilder, wo me bim Abbräche vo de Chile im 1937i gfunde hät, isch dä Deil vo dr Chile blybe stoo.

Gschicht vo de Chile[ändere | Quälltäxt bearbeite]

D Bilder uf de linke Sitewand
D Freskekapälle

Di erscht Chile vo Birmischtorf isch vermuetlech im 12. Joorhundert bauet worde. Ugfähr im Johr 1300 het ma di Chile um en quadratisch aagläite Chorruum mit 7 Meter Sitelängi erwirteret. Verbunde het ma de Choor un d Chile mit eme Triumphboge, wo ma bis ans End vom 18. Joorhundert het könne läse druf, dass im August 1440 Bilder uf d Wänd gmoolet worde sind. Sit de Reformation isch d Chile vo de Katholike un de Proteschtante bruucht worde, un irgendwann het ma d Wänd neu übermoolet, wann genau isch aber nöd klar.

De Abbruch vo de Chile un d Entdeckig vo de Freske[ändere | Quälltäxt bearbeite]

Will d Chile am Aafang vom 20. Johrhundert für di katholisch Chilegmeind z chly worde-n-isch un di Reformiirte si nöd hei welle ganz übernäh, het ma z Birmischtorf in de 30er Johr vom 20. Johrhundert zwei noii Chilene bauet, di reformiirt uf em Bollerai, di katholisch Chile grad näbe de paritätische. Nachdem im 1935 di katholisch Chile isch fertig gsi un im 1936 die reformiirt, het ma im 1937 di alt Chile aafange abbreche. Wo s Schiff vo de Chile scho abgrisse gsi isch, het ma im Choor unter em Verputz di alte Wandbilder entdeckt. Mit eme Notdach het ma sofort de alti Choor gsicheret, zum so das wärtvolle Kulturguet z rette. De ehemalig Choor isch in die hütigi Friedhofskapälle umgschtaltet worde, un d Wandmoolerei hät me reschtauriirt. Sitem 1937i stoot die Freskekapälle underm Schutz vo de Eidgnosseschaft.

Literatur[ändere | Quälltäxt bearbeite]

  • Patrick Zehnder: Die drei Kirchen von Birmenstorf, Schweizerischer Kunstführer des GSK, ISBN 978-3-85782-805-8

Weblink[ändere | Quälltäxt bearbeite]

 Commons: Freskenkapelle Birmenstorf – Sammlig vo Multimediadateie