France Bleu Elsass

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Elsassisch
Logo vu France Bleu Elsass

France Bleu Elsass ìsch a Radiosander vum stààtliga Grupp Radio France, wo Sandunga uf Elsassisch üsstràhlt. Ma empfàngt'na ìm Elsàss dur d Mìttelwalla uf 1278 Khz (235 m), oder dur Ìnternet-streaming[1].

Ursprunglig hàt da Sander „Radio France Mettelwelle“ gheißa[2]. Ànna 2000 sìn àlla regionàla „Radio France“ ìn „France Bleu“ umtaift worra, do ìsch dr Nàmma „France Bleu Elsass“ (mìt em „Elsass“ uf Elsassisch üsgsprocha) erschuna.

D Sandunga uf Elsassisch gìtt's z'Morga vum 8:00 bis àm 12:00 un z'Mittàg vum 13:30 bis àm 16:30, vum Mantig bis àm Frittig. Dr Rascht vu dr Zitt heert ma s Programm vu France Bleu Alsace (dr frànzeeschsprochiga Sander vu Radio France ìm Elsàss). Fer d regionàla Noochrìchta àm Ààfàng vu jedera Stund düet aui kurz uf „France Bleu Alsace“ umschàlta.

Bi da Animateur un Chronicker sìn d Simone Morgenthaler, dr Félicien Muffler, dr Pierre Nuss, d Danielle Crévenat-Werner, usw.

D Müsikprogràmmàtion wandet sìch àn àlla Generàtiona, as gìtt variété un Volksmüsik, ìn verschìedena Sprocha: Elsassisch, Frànzeesch, Ditsch. Bi da ìnteràktiva Programm gìtt's Spìeler fer Gschanker gwìnna, un Glagaheita wo d Züeheerer känna ààriafa fer mìt em Animateur uf da Walla z'reda, hàuiptsachlig uf Elsassisch.

D Üsstràhlung dur d Mìttelwalla düürt noch bis àm 31. Dezamber 2015. Vu 2016 àb, kààt ma da Sander numma noch dur s Internet losa.[3]

Externa Links[ändere | Quälltäxt bearbeite]

Referanz[ändere | Quälltäxt bearbeite]

  1. France Bleu Elsass dur streaming
  2. Gschìcht vu France Bleu ìm Elsàss (fr)
  3. France Bleu Elsass wìrd boll a Webradio - Berìcht vum 11.11.2015 uf france 3 Alsace (fr)