François Burckard

Us der alemannische Wikipedia, der freie Dialäkt-Enzyklopedy
Dialäkt: Mìlhüüserdiitsch

Dr François Daniel Burckard (* 29. Hornung 1928 z’ Mìlhüüsa; † 24. Janner 2017 z’ Rouen) ìsch a frànzeescher Historiker un Urkundaversorger gsìì.

sii Laawa[ändere | Quälltäxt bearbeite]

Dr François Burckard hàt ànna 1948 a Bibliothekàr-Àbschluss bschtànda. Ànna 1951 hàt’r a Dokterwìrda àn dr École nationale des chartes bschtànda; siina Dokteràrwet hàt’r ìwwer dr Hoochhaitliga-n-Elsassischa Rot ìm 18. Joohrhundert gschrììwa. D’rnooh ìsch’r laitender Urkundaversorger vum Département Drôme gsìì. Vu 1951 bis 1964 ìsch’r Dirakter vum Départementsàrkiiv gsìì — ànna 1963 ìsch’r d’rzüa Mìtglììd ìn dr Académie drômoise worra. Üsserdam ìsch’r vu 1953 veràntworlig fìrs Àrkiiv vum Département Ardèche gsìì, so wia Dirakter vum Départementsàrkiiv vu dr Seine-Maritime zwìscha 1966 un 1988. Doo hàt’r s’ Àrkiiv ìn a Turm àm Ufer vu dr Seine loo wàndla un hàt d’ Digitàlisiarung vum Àrkiivdianscht gfärdert. Vu 1965 bis 1979 ìsch’r Beträijer fìr d’ Kültürälla-n-Ààglagahaita vu dr Regioon Haute-Normandie gsìì. Naawadràà ìsch’r ànna 1974 Presidant vu dr Àkademii fìr Wìssaschàft, Lìteràtüür un Kunscht vu Rouen worra. Ìwwer d’ Schtàdt Rouen hàt’r zwai Biacher gschrììwa.

Fìr siina Taatigkait ìsch dr Burckard mehrmols üsszaichent worra. Ar ìsch ànna 1971 Offiziar vum Oorda vu dr Kunscht un Lìteràtüür worra, so wia Ritter vu dr Ehralegioon ànna 1980. Ìm Joohr 1984 ìsch’r àls Offiziar vum Nàzionààla Verdianschtoorda ärnännt worra.

siina veräffentligta Wark[ändere | Quälltäxt bearbeite]

àls Àuitoor
  • Étude sur les associations régionales et départementales d'animation culturelle. Association pour l'action culturelle en Haute-Normandie, Rouen 1976.
  • Les Institutions rouennaises à la fin de l'Ancien Régime. Lecerf, Rouen 1981 (39 + 4 S.).
  • Pascal et le jansénisme à Rouen. Amis des monuments rouennais, Rouen 1993 (40 S.).
  • Le conseil souverain d'Alsace au XVIIIe siècle : représentant du roi et défenseur de la province (= Recherches et documents. Band 53). Société savante d'Alsace, Schtroossburi 1995, ISBN 2-904920-12-9 (462 S.).
àls Üssgaawer
  • zamma mìt’m Claude Bouhier: Répertoire des archives de l'Académie des sciences, belles-lettres et arts de Rouen : 1744-1990. Académie des sciences, belles-lettres et arts de Rouen, Rouen 1994, ISBN 2-86743-218-9 (91 S.).
  • zamma mìt’m Jean-Pierre Chaline un dr Vivienne Miguet: Guillaume le Conquérant : images et chroniques. Société de l'histoire de Normandie, Rouen 1998, ISBN 2-85351-002-6 (72 S.).

Lìteràtüür ìwwer’na[ändere | Quälltäxt bearbeite]

  • Burckard (François-Daniel) [1951]. In: Bernard Barbich (Hrsg.): Livret de l'École des chartes (1967-2007). École des chartes, Pàriis, ISBN 978-2-35723-009-5, S. 79 (französisch).

Weblìnks[ändere | Quälltäxt bearbeite]

  • Profil biim Comité des travaux historiques et scientifiques (frànzeesch)
  • Profil bii dr Académie drômoise (frànzeesch)
  • Toodesààzaig bii dr École nationale des chartes (frànzeesch)