Fondation Herzog

D Stifdig Fondation Herzog isch 2002 gründet worde und isch e Baasler Museum für d Gschicht und Entwigglig vo dr Fotografii und d Gschicht vo dr Industriigsellschaft in fotografische Dokumänt. Si bestoot brimär us dr Sammlig Herzog vom Peter Herzog, wo öbbe 300'000 Fotografie zelt. D Sammlig us Wärk us dr Pionierzit, us dr professionelle und dr künstlerische Fotografii und us Amatöörufnaame zäigt alli Technike, wo sit dr Erfindig vom Medium verwändet worde si, und umfasst dr Zitruum vo 1839 bis öbbe 1970.

D Bezäichnig as «Laboratorium» söll dütlig mache, ass d Instituzioon «im umfassendste Sinn und Usmass dr Usenandersetzig mit em Medium Fotografii dient, wo immer wääsentliger wird».