Flughafen Basel-Mülhausen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Flughaafe Baasel-Mülhuuse
Dialäkt: Baaseldütsch
Dr EuroAirport us dr Luft

Dr internazionali Flughaafe Baasel-Mülhuuse (Markenaame sit 1987 EuroAirport Basel Mulhouse Freiburg) lit 3.5 km nordwestlig vo Baasel (Schwiz) und 20 km südöstlig vo Mülhuuse (Frankriich) im Gebiet vo de franzöösische Gmäinde Hésingue und Saint-Louis im Département Haut-Rhin.

Dr EuroAirport isch dr äinzig Flughaafe uf dr ganze Wält, wo vo zwäi Staate gmäinsam bedriibe wird. Wil er au für e südwestdütsch Ruum groossi Bedütig het, het mä au no Freiburg in dr Naame drzuedoo; im Verwaltigsroot und im trinazionale Biiroot het s au südbadische Verdräter, allerdings häi si kä Stimmrächt. Bevor dr Flughaafe Baasel-Mülhuuse ufdoo worde isch, si d Schwizer Flüüg vom Flugblatz Baasel-Stärnefäld z Birsfälde abgwigglet worde, wääred Mülhuuse dur dr Flugblatz Mülhuuse-Habshäim aagfloge worde isch.

Litratuur[ändere | Quälltäxt bearbeite]

  • Peter F. Peyer (Hrsg.): Vom Sternenfeld zum EuroAirport Basel-Mulhouse-Freiburg. Mit Bidrääg vom Hanspeter Abt u.a. Basel: Christoph Merian, 1996. ISBN 3-85616-074-4. (Sammelband zum Aalass vom 50jöörige Bedriibsjubileum)

Weblingg[ändere | Quälltäxt bearbeite]

 Commons: Euroairport – Sammlig vo Multimediadateie

47.5894444444447.53Koordinaten: 47° 35′ 22″ N, 7° 31′ 48″ O