S Firmenarchiv vo dr Novartis AG
| S Firmenarchiv vo dr Novartis AG | |
|---|---|
| Koordinate | 47° 34′ 22″ N, 7° 34′ 52,9″ O |
| Ort | Baasel |
| Bsuecheradrässe | Fabrikstrooss 2 |
| Gründig | 1996 |
| Umfang | 3800 Laufmeter |
| Alter vom Archivguet | sit 1758 |
| ISIL | CH-000547-1 |
| Drääger | Novartis AG |
| Website | https://www.novartis.com/ |
| Dialäkt: Baseldütsch |
S Firmenarchiiv vo dr Novartis AG isch es privats Firmenarchiiv in dr Schwiiz.
Es befindet sich an dr Fabrikstrooss 2 z Baasel und isch äins vo de Kulturgüeter im Kanton Basel-Stadt, wo nazionali Bedütig häi.
S Archiiv
[ändere | Quälltäxt bearbeite]S Archiiv bestoot us em eigete Firmenarchiiv vo dr Novartis AG sälber, wo 1996 entstande isch, wo d Basler Farma- und Chemiiundernääme Ciba-Geigy AG und Sandoz fusioniert häi, und us meerere historische Archiiv vo de Firme, wo in dr Novartis ufgange si: J.R. Geigy AG, Ciba AG, Durand & Huguenin AG, Sandoz AG.
S Novartis-Archiiv isch brivaat und dr Zuegang zu de Underlaage brucht e Gnäämigung.
D Beständ
[ändere | Quälltäxt bearbeite]- S Archiiv vo dr Novartis AG: sit 1996, immer no im Ufbau begriffe, umfasst öbbe 20 Laufmeter
- S Archiiv vo dr Sandoz AG: vo 1886 bis 1996, 1000 Laufmeter
- S Archiiv vo dr Ciba-Geigy AG: vo 1970 bis 1996, het en Umfang vo 1700 Laufmeter
- S Archiiv vo dr Ciba AG: vo 1884 bis 1970, umfasst 600 Laufmeter
- S Archiiv vo dr J.R. Geigy A.G.: vo 1758 bis 1970, umfasst 500 Laufmeter
- S Archiiv vo dr Durand & Huguenin AG: vo 1896 bis 1969, 20 Laufmeter
Kwelle
[ändere | Quälltäxt bearbeite]- Novartis AG, Firmenarchiv im Verzeichnis vo de Wirtschaftsbständ i Archiv vo de Schwiz und vo Liechtestei