Fexerplatte
D Fexerplatte sind Stäiplatte us Glimmerschifer (Quarzphyllit) wo z hinderscht hine im Fextal (Engadin) abpout worde sind. Settig Platte hät mer pruucht zum Öfe z boue und für uf d Huustächer. Si sind nume en Santimeter tick gsi.
Gschicht
[ändere | Quälltäxt bearbeite]De Stäibruch i de Nööchi vo de Alp vo Sils isch 1964 stile gläit worde. S erscht Mal hät mer aber scho im 17. Jaarhundert Fexerplatte proche. D Knappe sind amigs im Winter us em Val Malenco (Provinz Sondrio, Italie) über d Bäärge inecho und händ ime Huus bim Stäibruch gwont. Später isch dänn ales vergheit.
Im Härbscht 2014 häd d Bürgergmäind vo Sils im Engadin/Segl e Stiftig gründet, wo d Überreschte vom Stäibruch vo de Fexerplatte rette söli. Im Härbscht 2017 isch di vorderi Hütte und im Summer 2019 di hinderi Hütte restauriert worde.[1] Ma cha sich au vorstele, es chlises Erläbnismuseum iizrichte.[2]
Literatur
[ändere | Quälltäxt bearbeite]- Flurin Camenisch: Val Fex: Ausblick in ein stilles Tal. Schweizer Heimatbücher, Verlag Paul Haupt, Bern 2001, ISBN 3-258-05909-8, S. 123–124.
- Töna Stupan u. a.: Segl in Engiadina. Kur- und Verkehrsverein, Sils i. E., 1984, S. 24–27.
Quelle
[ändere | Quälltäxt bearbeite]- mündlichi Agabe vom Othmar Lässer und vom Gian Kuhn
Website
[ändere | Quälltäxt bearbeite]Fuessnote
[ändere | Quälltäxt bearbeite]- ↑ Aktuells vo de Stäibruch-Stiftig. 22. Juli 2019, abgruefen am 1. August 2019.
- ↑ Museum Cheva soll «Sils-like» werden. Artikel vo de Astrid Longariello i de Engadiner Post vom 27. November 2014
Koordinate: 46° 23′ 41,6″ N, 9° 46′ 26,2″ O; CH1903: 779593 / 140844