Familiebröuerei Bauhöfer GmbH & Co. KG
D Familiebröuerei Bauhöfer GmbH & Co. KG isch e Bierbröuerei, wu ire Sitz im Renchener Ortsdail Ulm het. Si isch anne 1852 grindet wore. D Bier vu Bauhöfer chä#nnt mer in dr Region as Ulmer Bier.
Gschicht
[ändere | Quälltäxt bearbeite]Dr Joseph Ludwig Bauhöfer (1826-1869) un sy Frau Marie Anna Bauhöfer (1830-1920) hän anne 1852 e chlaini Huusbröuerei grindet. Noch em frieje Dood vum Bauhöfer het sy Wittfrau d Gschäft ellai wytergfiert. Anne 1870 het si dr Karl Walz u Renche ghyrote un het mit ihm zäme wytergmacht mit dr Bröuerei.
Anne 1899 het dr Gustav Bauhöfer (1865-1936), dr Suhn vum Joseph Ludwig un dr Maria Anna, d Laitig vu d Bröuerei ibernuu un dr Grundstai fir dr modärn Bedrib glait. Är het d Maria Emma Walz (1872-1951) vu Erlach ghyrote, wu im Ussedienscht Wärbig bi Chunde gmacht het.
Im Johr 1921 sin di drei Sihn vum Gustav un dr Maria Anna Bauhöfer, Eugen, Gustav un Karl Bauhöfer, ins Gschäft mityygstige. D Firma isch syterhär e Familiengsellschaft. Anne 1929 isch s „Braustübl“ ufgmacht wore, wu zue d Popularitet vum Bier byydrait het.
In dr 1950erJohr isch dr Bedrib modärnisiert wore mit ere Fläscheabfillaalag, eme Chielhuus, eme Wasserdurm un ere neie Versandhalle.
Anne 1963 isch derno di viert Generation vu dr Familie Bauhöfer in d Gschäftslaiig yygstige mit em Eugen Bauhöfer (*1931), em Suhn vum Bröumaister Eugen Bauhöfer, un em Gustav Bauhöfer jun. (*1939), em Suhn vum Chaufmännische Laiter Karl Bauhöfer.
Ab 2001 isch dr Siegbert Meier Chaufmännische Laiter wore un syt em 1. Jänner 2021 isch d Katharina Scheer Gschäftsfierei vu dr Bröuerei. Si isch d Änkeli vum Eugen Bauhöfer un studierti Bedribswirti. Si fiert d Familiebröuerei zäme mit dr Elisabeth Bauhöfer, dr Laiteri vum Qualitätsmanagement un däre irem Mann Alexander Schneider, em Bröumaischter.
Biersorte
[ändere | Quälltäxt bearbeite]Anne 2022 het Bauhöfer die Biersorte aabote:
- Bauhöfer Pilsener
- Bauhöfer Export
- Bauhöfer Schwarzwälder Helles
- Bauhöfer Keller Nr. 5
- Bauhöfer Null Komma (alkoholfrei)
- Bauhöfer Hefeweizen Hell
- Bauhöfer Hefeweizen Dunkel
- Bauhöfer Kristallweizen
- Bauhöfer Sportweizen (alkoholfrei)
- Bauhöfer Maibock
- Bauhöfer Winterbock
- Bauhöfer Eisbock
- Bauhöfer Naturradler
- Bauhöfer Naturradler Alkoholfrei
- Bauhöfer Hexensud
- Bauhöfer Schwarzwaldmarie
- Bauhöfer Vollmond Bier
- Bauhöfer Oktobergold
Derzue hän si in ere limitierte Edition vu 700 Fläsche ne aigene Whisky („Bauhöfer Schwarzwaldmarie Finest Single Malt Whisky“) brännt mit Malz us dr Region, Wasser us em huusaigene Diefbrunne. Dr Whisky wird zerscht in drei Johr in Chardonnay-Fässer zytige loo un derno nomol in ehmolige Bourbon-Fässer.