Fabian Hischmann
Dr Fabian Hischmann (* 1983 z Eschinge) isch e dytsche Schriftsteller.
Lääbe
[ändere | Quälltäxt bearbeite]Noch em Studium vu dr Literaturwisseschaft un Kulturwisseschaft z Hildesheim un z Leipzig het dr Hischmann 2008 un 2009 as Reschyassischtänt am Theater z Haidelberch un am Theater Fryburg gschafft. Anne 2011 het er s Bremer Autorestipendium, e Ferderprogramm unter dr Schirmherrschaft vum Bremer Senator fir Kultur iberchuu.[1] Bim FM4-Churzgschichtewettbewärb Wortlaut isch er 2012 uf e Blatz unter dr beschte zee Dailnämer chuu.[2] Sy Debütroman Am Ende schmeißen wir mit Gold isch anne 2014 uusechuu. Dä Coming-of-Age-Roman isch im nämlige Johr fir dr renommiert Bryys vu dr Leipziger Buechmäss nominiert wore.[3] Mit sym senem Debüt isch dr Autor in s Chryzfyyr vu dr sognännte Florian-Kessler-Literaturdebatte grote.[4] S Buech het zmaischt negativi Kritike kriegt.[5][6] Im Jänner 2017 isch sy zweete Roman Das Umgehen der Orte uusechuu.
Dr Fabian Hischmann läbt z Berlin.
Wärch
[ändere | Quälltäxt bearbeite]- Am Ende schmeißen wir mit Gold. Berlin Verlag, Berlin 2014, 256 Seiten, ISBN 978-3-8270-1148-0
- Das Umgehen der Orte. Berlin Verlag, Berlin 2017, 208 Seiten, ISBN 978-3-8270-1292-0
Weblink
[ändere | Quälltäxt bearbeite]- Vorstellíg vum Autor uf dr Syte vum Berlin Verlag (in dr Piper Verlag GmbH)
Fueßnote
[ändere | Quälltäxt bearbeite]- ↑ Uflischtig vu dr Empfänger vum Bremer Literaturstipendium, abgruefen am 26. Februar 2014
- ↑ Uflischtig vu dr Bryysdreeger vum Literaturbryys Wortlaut 2012, abgruefen am 26. Februar 2014
- ↑ Vorstellig vum Debütroman (Memento vom 2. März 2014 im Internet Archive) uf dr Websyte zum Bryys vu dr Leipziger Buechmäss, abgruefen am 26. Februar 2014
- ↑ Florian Kessler: Lassen Sie mich durch, ich bin Arztsohn! In: Die Zeit vum 16. Jänner 2014, abgruefen am 7. Februar 2016.
- ↑ Margarete Stokowski: Ab und an macht es Peng. Rezension, in: taz, 8. Merz 2014, S. 32
- ↑ Rezensione vu „Am Ende schmeißen wir mit Gold.“ bi perlentaucher.de, abgruefen am 7. Februar 2016.
|
Dä Artikel basiert uff ere fräie Übersetzig vum Artikel „Fabian_Hischmann“ vu de dütsch = 163261257e Wikipedia. E Liste vu de Autore un Versione isch do z finde. |