Eudämonismus
Dr Eudämonismus, au Eudaimonismus, (vo altgriech. ευδαιμονια "Glückseligkäit") isch e filosofischi Leer oder Haltig us em Beriich vo dr Ethik, wo d Öidämonii, d. h. s Glück, s glungene oder s schöne Lääbe as s Ziil vo allem Strääbe aaluegt.
Dr Begriff umfasst verschiideni Glückseligkäitsleere. Grundsetzlig underschäidet mä zwäi Forme: die äinti wo sich uf d Handlig sälber beziet und die anderi uf s Glück as Ziil. Wenn s Glück s Ziil isch, cha mä e teleologischi Ethik uf dere Baasis entwiggle.
Eudämoniste bewärte d Kwalidäät vom Lääbe noch objektive Kriterie wie z. B. dr Erfolg bestimmti Ziil z erräiche. Si underschäide sich bi däm vo de Hedoniste, wo sich für s subjektive Glücksempfinde intressiere. En objektive Erfolg und s Glück, wo wirklig empfunde wird, si zwäi verschiideni Kriterie, wo, wemm mä s räin logisch aaluegt, ooni Widersprüch näbenenander chönne existiere. Allerdings konstruiere vili Eudämoniste e Gegesatz, wil Menschen verschiideni Prioridääte setze und eso eender iir subjektivs Glücksempfinde chönne aasträäbe anstatt objektivi Erfolg.
Lueg au[ändere | Quälltäxt bearbeite]
Weblingg[ändere | Quälltäxt bearbeite]
- Yytrag in dr Stanford Encyclopedia of Philosophy (änglisch, mit Literaturaagabe)
- Yytrag in dr Stanford Encyclopedia of Philosophy (änglisch, mit Literaturaagabe)
- Rudolf Eisler: Glückseligkeit. In: Kant-Lexikon (1930)
- Veronika Huta: Eudaimonia. In: Susan David u. a. (Hrsg.): The Oxford Handbook of Happiness, Oxford 2013, S. 201–213 (Darstellung aus psychologischer Sicht)
- Bernd Schmidt: Das Glück bei Aristoteles
|
Dä Artikel basiert uff ere fräie Übersetzig vum Artikel „Eudämonismus“ vu de dütsche Wikipedia. E Liste vu de Autore un Versione isch do z finde. |