Erfinder

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Än Erfinder isch ä Person, wo einmol oder widerholt öbbis Neus erschafft oder ä wäsentligi Verbesserig im Beriich vo der Technik macht, wo as Erfindig cha bezeichnet wärde.

D Eigeschafte, won än Erfinder usmache si, ass er

  1. ä Broblem erkennt,
  2. dr Wille het, das Broblem uf ä neui schöpferischi technischi Art z löse, und
  3. scho mindeschtens eimol in siim Läbe drbii erfolgriich gsi isch.

S Erkenne vom Broblem isch die wichtigschti Vorussetzig für än Erfinder, wie s bsunders dütlig wird uf de zahlriiche Erfindermesse, uf wele mänggisch Erfindige zeigt wärde, wo em Publikum deilwiis sehr skurril erschiine und bi wele die eigentligi erfinderischi Leischtig s Erkenne vom enä Broblem isch, wo nonig glöst worden isch.

Patentierig[ändere | Quälltäxt bearbeite]

Die drei konschtitutive Eigeschafte vom enä Erfinder wärde au bim Patent beachtet. Bim Patent längt s, wenn der Erfinder s Broblem, wo mä söt löse, beschriibt und ä Lösig cha vorzeige. As Gegeleischtig für s Schutzrächt muess d Erfindig offegleit wärde. Das bedütet, ass si vom Erfinder so genau muess beschriibe wärde, ass ä Fachma, wo sich uskennt in däm Gebiet, in der Lag söt si, die Erfindig nochzvollzieh. Die Offelegig isch der wohr Grund für d Etablierig vo de Patentämter am Ändi vom 19. Jahrhundert. Si het s möglig gmacht, ass Erfinder uf de veröffentlichte Erfindige vo andere Erfinder hai chönne ufbaue und het zum enä Technologiischub in alle Länder gfüehrt, wo neui Patentämter gründet hai.

Au s „Broblemerkenne“ vo der konschtitutive Definition vom enä Erfinder wird im Patentwäse berücksichtigt: Die erforderligi Erfindigshöchi cha im Patentwäse au im Finde vo Broblem, wo bishär nit as sonigi bekannt gsi si und ihrer technische Lösig, erreicht wärde.

Für zum d Leischtige vo de Erfinder für d Gsellschaft zu würdige, wärde in mängge Länder nationali Erfinderdäg gfiirt.

Entwickler[ändere | Quälltäxt bearbeite]

Dr Erfinder muess underschiide wärde vom Entwickler. Die meischte erfolgriiche Erfinder si au gueti Entwickler, wil si suscht ihri eigeni Erfindig nit zum enä Prototyp oder in ä Produkt chönne umsetze.

Erfinder mit de meischte Patent[ändere | Quälltäxt bearbeite]

Bekannti erfolgriichi „Duur-Erfinder“ wie öbbe dr Thomas Alva Edison und dr Artur Fischer si im Regelfall gueti Handwärker, Techniker oder Ingenieur.

  1. Kia Silverbrook – 8847 Patente[1]
  2. Shunpei Yamazaki  – 2638 Patent (Stand 2010),
  3. Artur Fischer – 1121 Patent (Stand 2008),
  4. Thomas Alva Edison – 1093 Patent,
  5. Kees A. Schouhamer Immink –  mee as 1000 internationali Patent,
Manfred von Ardenne – 601 Patent,
Edwin Herbert Land – 535 Patent,
Reginald Fessenden – 500 Patent,
Alfred Nobel – 335 Patent,

Literatur[ändere | Quälltäxt bearbeite]

  • Helmut Seiffert, Gerard Radnitzky (Hrsg.): Handlexikon zur Wissenschaftstheorie. 2. unv. Aufl. (Orig. 1989), München 1992: dtv, ISBN 3-423-04586-8, S. 364-365 (über Technik, Wissenschaft und Erfindertum).

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. INPADOC-Patent-Suche nach Kia Silverbrook
Information icon.svg Dä Artikel basiert uff ere fräie Übersetzig vum Artikel „Erfinder“ vu de dütsche Wikipedia.

E Liste vu de Autore un Versione isch do z finde.