Endeavour Reef

Us der alemannische Wikipedia, der freie Dialäkt-Enzyklopedy
Claims Reef
Endeavour Reef
Pickersgill Reef
King's "dry rock"


S Endeavour Reef isch e Däil vom Great Barrier Reef vor dr Nordostküste vo Australie im Korallemeer. Es isch e Koralleriff, wo in in Ost-West-Richdig lit und siibe Kilometer lang isch. S Zentrum vom Riff isch säggs Kilometer südöstlig vo de Hope Islands im Hope-Islands-Nationalpark und zwölf Kilometer vom Festland äwägg. Dr Naame vom Riff goot nid uf dr James Cook zrugg, sondern isch em spööter gee worde wägen em Schiffbruch vo dr Endeavour 1770.

Am 11. Juni 1770 isch d Endeavour vom Pickersgill Reef gege Norde und e Stund spööter am elfi znacht uf s Riff uufgfaare, wo d Fluet am höggste gsi isch.[1][2]

Es het usgsee, wie wenn s Schiff wurd sinke und d Schiffsbsatzig het sich an d Mündig vom Endeavour River grettet, wo sie spööter d Endeauvour zur Reparatuur uf Kiil gläit häi. Zum s Schiff wider flott mache, häi si Ballast über Bord gheit, drunder au säggs Kanoone.[3] 1969 si d Kanoone wider entdeckt worde. Äini von ene isch restauriert worde und isch hüte im Australian National Maritime Museum z Sydney.[4] D Repratuur vom Schiff isch bis zum 4. August 1770 gange.

Fuessnoote[ändere | Quälltäxt bearbeite]

  1. The Project Gutenberg EBook of Captain Cook's Journal During the First Voyage Round the World, by James Cook, Abschrift vo dr Sue Asscher und vom Col Choat im Mai 2005 uf Änglisch, abgrüeft am 7. Oktober 2012
  2. ga.gov.au Archivlink (Memento vom 5. Juni 2011 im Internet Archive): Place Names Search: Endeavour Reef, uf Änglisch, abgrüeft am 7. Oktober 2012
  3. greatbarrierreef.org (Memento vom 7. Septämber 2015 im Internet Archive): Cooktown, Queensland, uf Änglisch, abgrüeft am 7. Oktober 2012
  4. anmm.gov.au (PDF; 64 kB): The Vernon Anchors and HMB Endeavour Cannon, uf Änglisch, abgrüeft am 7. Oktober 2012

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Endeavour_Reef“ vu de dütsche Wikipedia. E Liste vu de Autore un Versione isch do z finde.

Koordinate: 15° 46′ 40,8″ S, 145° 34′ 51,6″ O