Emma Watson

Us der alemannische Wikipedia, der freie Dialäkt-Enzyklopedy
Personedate
Emma Watson, 2019
Emma Watson, 2019
Geburtsname: Emma Charlotte Duerre Watson
Geburtsdatum: 15.04.1990
Bruef: Schauspiilere
aktivi Johr: 2001-hütt
Website: EmmaWatsonOfficial.com

D Emma Watson (15. April 1990 z Paris) isch e englischi Schauspilerin. Ihre vollständig Name isch Emma Charlotte Duerre Watson. Sie isch bekannt worde dur ihri Darstellig vo dr Hermione Granger (dt. Hermine Granger) i de Harry-Potter-Film.

Biografi[ändere | Quälltäxt bearbeite]

Frües Läbe[ändere | Quälltäxt bearbeite]

Sie isch am 15. April 1990 z Paris uf d Wält cho. Det het sie au di erste 5 Jahr vo ihrem Läbe verbracht. Si het en französischi Grossmueter. 1995 isch si denn mit ihrere Muetter Jaqueline und ihrem 2e halb Johr jüngere Brüeder Alex nach Oxford zoge, will sich ihre Vater (Chris) und ihri Muetter, beidi Ahwält, scheide lo hend. Ihre Vater isch denn uf London zoge. Sie lebd bis hüt in Oxford.

Ide Dragon School het d Emma s erschte Mal ihres schauspielerische Könne zeigt. Bevor sie dur d Harry Potter Film id Kino cho isch het sie i mehrere Uffüerige im Schueltheater d Hauptrolle gspilt. Wo sie sibni gsi isch het sie ihre erschti Priis gwune, bimene Gedichtvortragswettbewerb.

Vor de Harry Potter Verfilmige het si no bi keim professionelle Film mitgspilt gha.

Harry Potter[ändere | Quälltäxt bearbeite]

Wo si nüni gsi isch het ihre Theaterlehrer si zum Casting vo Harry Potter und de Stei vo de Weise agmeldet, will er ihres grosse Potential gseh het. Si hed sich denn au duregsetzt und d Rolle vo de Hermione Granger übercho.

Im Johr 2000 wo si zähni gsi isch het sie mit de Drüllarbeite zum erschte Harry Potter agfange. Nachdem de ersti Film is Kino cho isch und sehr grosse Erfolg gha het, sind die drüü Hauptdarschteller, d Emma Watson (Hermione Granger), de Daniel Radcliffe (Harry Potter) und de Rupert Grint (Ron Weasly) zu Weltstars worde.

Zwüsched 2001 und 2011 het sie au bi de Drüllarbeite vo de andere Bänd vo de Harry Potter Büecher d Rolle vo de Hermine Granger gspilt. Mit dene Film isch sie no bekannter worde. De erscht Teil vom Film iber de sibt und letscht Harry Potter-Band isch 2010 in d Kinos cho, de zweit Teil 2011.

Anderi Role[ändere | Quälltäxt bearbeite]

Si het im Johr 2007 eini vo de Hauptrolle, d Pauline Fossil, ide Verfilmig vo Ballet Shoes gspilt. Ballet Shoes isch es Drama wo über d Wienachte uf BBC zeigt worde isch. Es isch de erschti Film wo si mitgspilt hed, wo nöd zur Harry Potter Serii ghöört het.

Im Dezember 2008 isch de Trickfilm The Tale of Despereaux usecho. Dete het si de Prinzässin Pea iri Stimm gä.

Anders[ändere | Quälltäxt bearbeite]

Vo 2009 bis 2010 het d Emma Watson au als Model für di britisch Modemarke Burberry gschafft[1]. Mit ihre Mitwirkig an dr Früehjahrs- und Summerkollektion 2010 vom Öko-Label People Tree will si s Bewusstsii vo ihre Altersgnosse an fair ghandlete Mode schärfe[2]

D Watson het d Schuel mit sehr guete Note abgschlosse.[3] Vo 2009 bis 2011 het si Literatur a de Brown University i de USA studiert.[4][5] 2011 het si ihre Studium Worcester College a de Universität vo Oxford furtgsetzt.[6] Im Mai 2014 het si vo de Brown University ihre Bachelor-Abschluss in änglischer Literatur übercho.[7]

Filmografi[ändere | Quälltäxt bearbeite]

D Emma Watson 2005
D Emma Watson 2010
  • 2001: Harry Potter and the Philosopher’s Stone («Harry Potter und der Stein der Weisen») als Hermione Granger
  • 2002: Harry Potter and the Chamber of Secrets («Harry Potter und die Kammer des Schreckens») als Hermione Granger
  • 2004: Harry Potter and the Prisoner of Azkaban («Harry Potter und der Gefangene von Askaban») als Hermione Granger
  • 2005: Harry Potter and the Goblet of Fire («Harry Potter und der Feuerkelch») als Hermione Granger
  • 2007: Harry Potter and the Order of the Phoenix («Harry Potter und der Orden des Phönix») als Hermione Granger
  • 2007: Ballet Shoes als Pauline Fossil
  • 2008: The Tale of Despereaux als Prinzässin Pea
  • 2009: Harry Potter and the Half-Blood Prince («Harry Potter und der Halbblutprinz») als Hermione Granger
  • 2010: Harry Potter and the Deathly Hallows 1 («Harry Potter und die Heiligtümer des Todes 1») als Hermione Granger
  • 2011: Harry Potter and the Deathly Hallows 2 (Harry Potter und die Heiligtümer des Todes 2) als Hermione Granger
  • 2011: My Week with Marilyn als Lucy
  • 2012: The Perks of Being a Wallflower («Vielleicht lieber Morgen») als Sam
  • 2013: The Bling Ring als Nicki
  • 2013: This Is the End («Das ist das Ende») als Emma Watson
  • 2014: Noah als Ila
  • 2015: Regression als Angela Gray
  • 2015: Colonia («Colonia Dignidad – Es gibt kein Zurück») als Lena
  • 2017: Beauty and the Beast («Die Schöne und das Biest») als Belle
  • 2017: The Circle
  • 2019: Little Women
  • 2022: Harry Potter 20th Anniversary: Return to Hogwarts («Rückkehr nach Hogwarts»)

Uszeichnige und Nominierige[ändere | Quälltäxt bearbeite]

Uszeichnige[ändere | Quälltäxt bearbeite]

Jaar Organisazion / Uszeichnig / Film

  • 2002 Young Artist Awards / Besti Darstellig imene Spielfilm – Hauptdarsteller / Harry Potter und der Stein der Weisen
  • 2003 Otto Awards / Silber – Best wiblichi Filmstar / Harry Potter und die Kammer des Schreckens
  • 2004 Otto Awards / Silber – Best wiblichi Filmstar / Harry Potter und der Gefangene von Askaban
  • 2004 Total Film / Chinder Darstellig vom Jaar / Harry Potter und der Gefangene von Askaban
  • 2005 Otto Awards / Gold – Best wiblichi Filmstar / Harry Potter und der Gefangene von Askaban
  • 2006 Otto Awards / Bronze – Best wiblichi Filmstar / Harry Potter und der Feuerkelch
  • 2007 ITV National Film Awards / Besti wiblichi Darstellig / Harry Potter und der Orden des Phönix
  • 2007 UK Nickelodeon Kids' Choice Awards / Besti Filmschauspiilerin / Harry Potter und der Orden des Phönix
  • 2008 Constellation Award / Best Female Performance / Harry Potter und der Orden des Phönix
  • 2008 Otto Awards / Best Female Film Star (Gold) / Harry Potter und der Orden des Phönix
  • 2008 SyFy Genre Awards / Best Actress / Harry Potter und der Orden des Phönix

Nominierige[ändere | Quälltäxt bearbeite]

Jaar Organisation / Uszeichnig / Film

  • 2002 Academy of Science Fiction, Fantasy & Horror Films / Saturn Award Harry / Potter und der Stein der Weisen
  • 2002 Empire / Empire Award / Harry Potter und der Stein der Weisen
  • 2002 American Moviegoer Awards / Herusragendi Nebedarstellerin / Harry Potter und der Stein der Weisen
  • 2002 Young Artist Awards / Best Ensemble in Feature Film / Harry Potter und der Stein der Weisen
  • 2004 Broadcast Film Critics Association / Besti Jungi Darstellerin / Harry Potter und der Gefangene von Askaban
  • 2005 Broadcast Film Critics Association / Besti Jungi Darstellerin / Harry Potter und der Feuerkelch
  • 2006 MTV Movie Awards / Best On-Screen Team / Harry Potter und der Feuerkelch
  • 2008 UK Sony Ericsson Empire Awards / Besti Darstellerin / Harry Potter und der Orden des Phönix
  • 2008 Glamour Awards / Best UK TV Actress / Ballet Shoes
  • 2009 Scream Awards / Best Fantasy Actress / Harry Potter und der Halbblutprinz
  • 2010 National Movie Awards / Performance of the Year / Harry Potter und der Halbblutprinz
  • 2010 MTV Movie Awards / Besti wiblichi Darstellerin / Harry Potter und der Halbblutprinz

Fuessnote[ändere | Quälltäxt bearbeite]

  1. Julia Finger: Burberry reizt Emma Watsons Schönheit aus. Die Welt, 8. Januar 2010, abgruefen am 8. Januar 2010.
  2. Emma Watson: Die Gewissenhafte. Spiegel Online, 1. Februar 2010, abgruefen am 2. Februar 2010.
  3. Emma Watson glänzt mit Spitzenabitur. In: Spiegel Online. 16. August 2008, abgruefen am 16. August 2008.
  4. Studenten rufen zur Watson-Verfolgung auf. In: Spiegel Online, 1. Oktober 2009.
  5. Emma Watson verlässt Brown Uni für immer uf kino.de vom 26. April 2011
  6. Von Hogwarts nach Oxford. In: Stern, 18. Oktober 2011.
  7. Emma Watson hat den Hut auf In: Spiegel Online, 26. Mai 2014.

Weblink[ändere | Quälltäxt bearbeite]

 Commons: Emma Watson – Sammlig vo Multimediadateie