Eminem

Us der alemannische Wikipedia, der freie Dialäkt-Enzyklopedy
Eminem

De Eminem (* 17. Oktober 1972 z St. Joseph, Missouri als Marshall Bruce Mathers III), au Slim Shady) esch e US-amerikanische Rapper, Grammy- ond Oscarpristräger.

De Marshall Bruce Mathers III esch ide Outostadt Detroit ufgwachse. Er esch zwösche Afroamerikaner ufgwachse ond dementsprechend ou so erzoge worde. So hed er scho gli de Omgang metem Rappe gha. Im Eminem sine Vater hed d Famili scho verloh, woner afig 3 Monet aut gseh esch. De Rap hed de Eminem vo sim Onku Ronnie bibrocht öbercho. Met 15i hed de Eminem sini spöteri Frou Ann Scott (gnennt Kim) könneglehrt. 1988 heder denn sini erschte Raptext gschrebe ond esch i chline Clubs uftrete. Siit 1995 nennt er sech offiziell Eminem.

D Resonanz of sini Demos im 96i send eher greng gseh. Sis erschte Aubum Infinite esch zwar veröffentlecht worde, esch aber gfloppt. 1997 hed er ageblech ofere Toilette sis zwöite Ich Slim Shady könne glernt und 1997 s Aubom Slim Shady EP veröffentlecht. De Dr. Dre esch so ofe Eminem ufmerksam worde. So hendsi zäme s Aubom The Slim Shady LP ufgno. Die erscht Sengle My Name Is esch ide Bilboard Charts sofort of Rang 2 igstege, s Aubom sogar of Platz 1!

De Eminem esch emmer bekannter worde ond hed bes höt witeri Aube veröffentlecht, wo no erfougricher worde send. 2002 heder denn sis Lebe metem Föum 8 Mile veröffentlecht, det spöut er zwar ned sech seuber, aber es send klari Parallele zo sim Lebe erkönnbar. För de Föumsong Lose Yourself heds före Eminem 2003 de Oscar aus beschte Föumsong gäh.

Met sinere Ex-Frou Kim (er hedsi zwöimou ghürate, ond sech bedi mou weder la scheide), hed de Eminem e Tochter namens Hailie.

Im Eminem sini gröschte Hits send bes etz The Real Slim Shady (2000), Stan (2000, feat. Dido), Without Me (2002), Lose Yourself (2002) ond Just Lose It (2004)

Discographie[ändere | Quälltäxt bearbeite]

  • Infinite, 1995
  • The Slim Shady EP, 1997
  • The Slim Shady LP, 1999 (DE # 51, AT # 12, CH # 25)
  • The Marshall Mathers LP, 2000 (DE # 3, AT # 1, CH # 2)
  • The Eminem Show, 2002 (DE # 1, AT # 1, CH # 1)
  • 8 Mile OST, 2002
  • Encore, 2004 (DE # 1, AT # 2, CH # 1)
  • Curtain Call: The Hits, 2005 (DE # 7, AT # 10, CH # 5)
  • Relapse, 2009 (DE # 2, AT # 2, CH # 2)
  • Recovery, 2010 (DE # 2, AT # 1, CH # 1)
  • The Marshall Mathers LP 2, 2013 (DE # 1, AT # 1, CH # 1)

Weblink[ändere | Quälltäxt bearbeite]

 Commons: Eminem – Sammlig vo Multimediadateie