Emanuel von Wattenwyl

Dr Sigmund David Emanuel vo Wattewyl (* 1. September 1769 z Bärn; † 13. Merz 1817 z Bärn) isch e Bärner General und Föderalist währed dr Helvetik gsi.

Är isch e Sohn vom Marcus Sigmund Emanuel vo Wattewyl, eme Soldoffizier und Vogts vo Landshut, und dr Katharina Jenner gsii. , Tochter des Ludwig Philibert, Dragonerobersten und Grossrats. Offizier in holländ. Diensten.

Im Johr 1802 hai d Föderaliste sich druf vorbereitet, die Helvetisch Regierig z stürze. Dr Wattewyl het im Bärner Oberland dr Landsturm mobilisiert. D Föderaliste hai dr Landamma Dolder noch Jegistorf entfüehrt, und dä isch am 14. Septämber zruggdrätte. An siiner Stell isch dr Wattewzl zum Landamma ernennt worde. Dr Dolder isch aber scho zwei Dag druf wider zruggbrocht und as Landamma iigsetzt worde underem Druck vom französische Gsandte, und dr Polizeiminister Tribolet, wo hinder dr Entfüehrig gsteggt het, isch entloo worde. Dr Wattewyl het d Füehrig vo de föderalistische Druppe übernoh, und het Bärn, dr Sitz vo dr Helvetische Regierig afo belagere. Uf dr Höchi vom Pfaue isch s zum e Gfächt cho, die unmotivierte helvetische Druppe hai sich noch churzem zruggzoge. Am 18. Septämber 1802 het dr Wattewyl zsämme mit em Gaudard, em Oberbefählshaber vo de helvetische Druppe z Bärn, d Kapitulation vo dr Helvetische Regierig underschriibe.

1802 isch dr vo Wattewyl Landammann vo dr Schwyz bstellt worde, het uf französische Druck s Amt aber muesse ufgää. Vo 1803 bis 1817 isch er Mitglid im Grosse Rot z Bärn gsi und vo 1810 bis 1817 Mitglid vo dr Landesökonomikommission.

Är isch verhürotet gsi mit dr Johanna Elisabeth vo Sinner.

Literatur

• Isabelle Zeerleder: Die Beschiessung von Freiburg während des „Stecklikrieges" am 26. September 1802. In: Berner Zeitschrift für Geschichte und Heimatkunde. Band 3 (1941), Heft 4

Weblink

• Christoph Zürcher: Emanuel von Wattenwyl In: Historisches Lexikon vo dr Schwiiz.