Elektrischs Bauelimänt

Verschiideni elektrischi Bauelimänt

As elektrischs Bauelimänt bezäichnet mä in dr Elektrotechnik dr chlinst grundlegend Bestanddäil von ere elektrische Schaltig, wo as Äihäit betrachdet wird, und das as mathematisch-füsikalischs Fenomeen und au in dr Form vom ene idealisierte Bauelimänt, as reals (diskrets) Bauelimänt oder as Baugrubbe. S elektrische Bauelimänt as Äihäit cha im Äinzelfall us meerere Baudäil bestoo, Bischbil: Spuelekörper + Droot + Kärn = Spuel, mit dr elektrische Äigeschaft Induktividäät. Wichdigi elektrischi Bauelimänt si Elektronerööre, Halbläiterdiode, Dransister, integrierti Schaltige, Widerständ, Kondensatore und Induktividääte.

Im allgemäine Sproochgebruuch, bsundrigs au im industrielle Beriich, säit mä reale (diskrete und au integrierte) elektrische Bauelimänt, elektromechanische und mechanische Bauelimänt üübligerwiis „Elektronischi Bauelimänt“. Eso wärde Bauelimänt und Baudäil klassifiziert, wo für elektronischi Gräät und Aalaage geignet si, industriell härgstellt, verdriibe und iigsetzt wärde.

Schaltzäiche

Jedi grundlegendi Art vo Bauelimänt het in de Schaltblään iir äignigs, gnormts Schaltzäiche, wo si sümbolisiert.

Passivi und aktivi Bauelimänt

Passivi Bauelimänt si die Elimänt, wo käi Versterkerwirkig und au käi Stüürigsfunkzioon häi (z. B. Widerständ, Kondensatore, Induktividääte und Memristore).

Aktivi Bauelimänt versterke in irgendere Form s Nutzsignal oder mache e Stüürig mööglig (z. B. Diode, Dransister, Optokoppler, Rölä).

Weblingg

• Werkstattunterricht zum Thema "Passive Bauelemente" (PDF; 416 kB)
• Werkstattunterricht zum Thema "Aktive Bauelemente" (PDF; 465 kB)
• N. Fliege, Universität Mannheim: Vorlesung Elektrotechnik I, Kapitel 2: Elektrische Bauelemente und Netzwerke (Site cha nüme abgrüeft wärde; Suche im Webarchiv)[1] [2] Vorlage:Toter Link/et.ti.uni-mannheim.de (PDF, 1,5 MB).

Dä Artikel basiert uff ere fräie Übersetzig vum Artikel „Elektrisches_Bauelement“ vu de dütsche Wikipedia. E Liste vu de Autore un Versione isch do z finde.