Elektrisches Feld

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E Neonlampe, wo nid an Stroom aagschlosse isch, lüchtet in dr Nööchi von ere Hochspannigsläitig wil sich dört s elektrische Fäld die ganz Zit veränderet.

S elektrische Fäld isch e füsikalischs Fäld, wo dur d Coulombchraft uf elektrischi Laadige wirkt. Es isch eFenomeen wo überall vorchunnt, und erkläärt, wie sich s Liecht und d Radiowälle usbräite, wie elektrischi Energii überdräit wird und wie elektronischi Schaltige funkzioniere. Es bindet d Elektrone an dr Atomkärn und het e riisige Iifluss uf d Gstalt vo dr Materie.

Mathematisch isch s elektrische Fäld s Wektorfäld vo dr elektrische Fäldsterki; es ordnet jedem Punkt im Ruum e Wektor für d Richdig und d Gröössi vo dr elektrische Fäldsterki zue.

Elektrischi Fälder wärde vo elektrische Laadige verursacht und vo Ändrige vo magnetische Fälder über d Zit. D Äigeschafte vom elektrische Fäld wärde zämme mit de Äigeschafte vom magnetische Fäld in de Maxwell-Gliichige beschriibe.

Litratuur[ändere | Quälltäxt bearbeite]

  •  Adolf J. Schwab: Begriffswelt der Feldtheorie: Praxisnahe, anschauliche Einführung. Elektromagnetische Felder, Maxwellsche Gleichungen, Gradient, Rotation, Divergenz. 6. Uflaag. Springer, Berlin 2002, ISBN 3-540-42018-5.

Weblingg[ändere | Quälltäxt bearbeite]