Edwin Nutt
Dr Edwin Nutt, wo am 7. Februar 1922 z Vaduz uf d Wält cho und am 7. Februar 1991 au döört gstorben isch, isch e Liechtesteiner Redakter, Sportler, Tröihänder und Mundartautoor gsi.
Dr Nutt isch z Vaduz i d Schuel gange. Vo 1948 aa isch er Redakter und sid 1956 dr Scheffredakter vom Liechtesteiner Volchsblatt gsi. Drno het er als Tröihänder gschaffet. Er het bi der Furtschritliche Bürgerpartei politisiert. Er het sech starch für d Yfüerig vo dr AHV z Liechteschtäi ygsetzt und isch sälber 1970 dr Presidänt vo dr AHV/IV/FAK im Land gsi.
Er isch bi de Pfadfinder gsi und het es paar Mol dr Titel als Landesmäischter i Sportaarte vo dr Liechtathletik gholt, so öppen anne 1940 im Speerwurf.
1962 isch em Edwin Nutt sys eerschte Buech mit hochdüütsche Gedicht usechoo. Und 1982 het er als Mundartautor i sym Liechteschtäiner Dialäkt afa schrybe. Es git vo iim Gedicht, Verzelligen und Theater i dr Mundart. 1989 het dr Nutt ghulfe die Liechteschteinischi Mundart-Stiftig yrichte.
Wäärch
[ändere | Quälltäxt bearbeite]- Auf einsamen Wegen, 1962
- Am Brunna, 1982
- Us vergangana Zita, 1983
- Sunnige Johr, 1984
- Heitere Gschechta, 1985
- Wenn’s Obed wörd, 1986
- Unterwegs, 1987
- Am Feeschter, 1988
- Land und Lüt, 1990.
Literatur
[ändere | Quälltäxt bearbeite]- Jürgen Schremser: Mundartliteratur Liechtenstein. Edwin Nutt. Liechtensteinische Mundart-Stiftung. Vaduz 2012.