Eddie McClintock

Us der alemannische Wikipedia, der freie Dialäkt-Enzyklopedy
de Eddie McClintock (2014)

De Edward „ Eddie“ Theodor McClintock (* 27. Juli 1967 z North Canton z Ohio) isch en US-amerikanische Schaupieler, wo scho i vielne Seriä und Filmä mit gmacht hed unteranderem i "Desperate Housewives", i "Sex and the City" und jetzt isch er i de Seriä "Warehouse 13" zgse.

Sis Läbe[ändere | Quälltäxt bearbeite]

Er isch am 27. Juli 1967 in North Carton i Ohio uf d Wält cho und det au ufgwachse. Sis Sternzeiche isch Zwilling. Sini High-School-Ziit hed er a de Hoover High School in North Canton verbracht, wo er 1985 sin Abschluss gmacht hed.

Er isch erst mit 30gi zu de Schauspielerii cho, vorher hed er Wirtschaftskommunikation a de Wright State University i Faibone, i de nöchi vo Dayton i Ohio studiert und das Studium au abgschlosse. A de Universität hed er a de Wrestlingmannschaft aghört und spöter hed er als Produktionsassistänt und Filmassistänt gschaffed. Sis Schauspieldebüt hed er i de Seriä "Diagnose-Mord" 1997 gä. Im gliche Jahr hed er ä wiederkehrendi Rolle i de Seriä "Ned & Stacey" becho, wo er als Chazz Gordon zgse gsi isch. Es Jahr spöter hed er sini ersti Hauptrolle i de Seriä "Schief gewickelt" becho. 1999 isch er i de Sitcom "Zoe, Duncan, Jack & Jane" zgse gsi und im gliche Jahr hed er sin ersti Filmuftritt ga im Film "Dr. Mumford" und d'Hauptrolle ga i de Serie "Männer ohne Nerven". Nach dem die Seriä abgsetzt wordä isch hed er verschiedeni Gast- und Kurzufftritt ga i Fernsehseriä und i Filmä. Im Jahr 2000 hed er i de Komödie "Screenland Drive" mitgspielt und verschiedeni Gastufftritt i "Sex and the City", i "Just Shoot Me - Redaktion durchgeknipst" und i "Chaos City" ga.

2001 hed er wiiter döffe i Seriä als Gast uffträte, unter anderem i de Sitcom "Felicity" und i de Komödie "Say Uncle". Im Jahr 2002 hed er grad zweii Hauptrollä ergatteret nämli im Fernsehkurzfilm "B.S." und im Film "Ausziehen, einziehen, umziehen!". I de beide Filmä "Super süss und super sexy" und "Voll frontal" isch de Eddie McClintock ebefalls zgse gsi. Im gliiche Jahr vo er die vorher erwähnte Film dreiht hed, sind nu chliini Kurzuffritt de zuä cho i de Serie "CSL-Crime Scene Lake Glory", "Friends" und "King of Queens". Au im Jahr 2003 isch es sehr gut für de Eddie McClintock glufe, er hed döffe neb de Nicole Sullivan am nä Filmprojekt arbeite. Wiiter isch er au no buecht worde für d'Filmä "See Jane Date" und "Picking up & Dropping off".

Ä wiitere Höhepunkt i sinere Karrierä isch d'Hauptrolle gsi i de starbesetzde Sitcom "A.U.S.A", wo aber scho bald wieder abgsetzt wordä isch. I dene Seriä isch er für jewiils ei Episode uftretä: "Kate Fox & die Liebe", "The Pitts" und "Office Girl" und er isch no inere andere Serie i dem Jahr zum Iisatz ko nämli i "Married to the Kellys". I dem Jahr also 2005 won er au d'Lynn Sanchez, ä Creative Directorin, ghürate hed, hed er zweii Hauptrollenä i de Filmä "Heirat mit Hindernissen" und "Three Wise Guys" ga und er hed für ei Folg jewiils i de Topseriä "Dr. House" und "Monk" mitgspielt.

De Saul Rubinek (links) und de Eddie McClintock am Set vo Warehouse 13 (2010)

Sini vierti Hauprollä inere Fernsehseriä hed er 2006 becho, mit em Titel "Crumbs" und no im gliiche Jahr isch er no zumene Iisatz i "The Great Malones" cho. Für de fast 40-jährig Schauspieler heds no es paar wiederkehrendi Rollenä gä wie zum Biispiel i "Desperate Housewives" für 3 Episodä, i "My Boys" für 4 Episodä und vo 2006 bis 2007 für 3 Episodä i "Big Day". No de zuä hed er i de zweite Stafflä vo „Bones-Die Knochenjägerin“ de Special Agent Tim Sullivan gspielt.

Usserdem isch er au no für ei Episodä jewiils i de Seriä "The Winner" und "Shark". Nachdäm er 2008 i einerä Folg i "Moonlight" i gssetzt wordä isch, isch er 2009 zum nächscht grössere Engagement cho, nämli als Special Agent Pete Lattimer i de Seriä "Warehouse 13" wo er d'Hauptrolle spielt. Im Jahr 2009 isch er no zu wiitere Ufftritt i Filmä cho zum Biispiel i "Pet Peeves", "The New 20's" und i de Seriä "Roomates". 2010 isch er für jewiils ei Episodä für "Better Off Ted – Die Chaos AG"; "CSI – Den Tätern auf der Spur", "Romantically Challenged" und für "Suite 7" vor der Kamera gstandä. 2011 isch ä neui Folg vo "Fairly Legal" usä cho, wo de Eddie McClintock ebefalls zgse isch.

Management[ändere | Quälltäxt bearbeite]

Er ghört de international tätigä Agentur "International Creative Management" a, wo ihre Sitz in Beverly Hills hed.

Familiä[ändere | Quälltäxt bearbeite]

Er isch verhüratet sit em 1. Mai 2005 mit de Lynn Sanchez wo us Corpus Christi us Texas chund und er hed mit ihrä 2 Söhn. Mit sinerä Familiä wohnt de Eddie McClintock z'Studio City i Las Vegas.

Filmographii[ändere | Quälltäxt bearbeite]

Seriä[ändere | Quälltäxt bearbeite]

  • 1997: Diagnose: Mord (Diagnosis Murder) (1 Episod)
  • 1997: Ned & Stacey (4 Episode)
  • 1998–1999: Schief gewickelt (Holding the Baby) (13 Episode)
  • 1999: Zoe, Duncan, Jack & Jane (1 Episod)
  • 1999–2000: Männer ohne Nerven (Stark Raving Mad) (22 Episode)
  • 1999–2001: Felicity (2 Episode)
  • 2000: Sex and the City (1 Episod)
  • 2000: Just Shoot Me – Redaktion durchgeknipst (Just Shoot Me!) (1 Episod)
  • 2000: Chaos City (Spin City) (1 Episod)
  • 2002: CSL – Crime Scene Lake Glory (Glory Days, Titel zum Teil au im dütschsprachige Ruum) (1 Episod)
  • 2002: Friends (2 Episode)
  • 2002: King of Queens (1 Episod)
  • 2003: Kate Fox & die Liebe (Miss Match) (1 Episod)
  • 2003: A.U.S.A. (8 Episode)
  • 2003: The Pitts (1 Episod)
  • 2003: Office Girl (Less Than Perfect) (1 Episod)
  • 2003–2004: Married to the Kellys (2 Episode)
  • 2005: Dr. House (House M.D.) (1 Episod)
  • 2005: Monk (1 Episod)
  • 2006: The Great Malones (1 Episod)
  • 2006: Crumbs (13 Episode)
  • 2006: Desperate Housewives (3 Episode)
  • 2006: My Boys (4 Episode)
  • 2006–2007: Big Day (3 Episode)
  • 2007: Bones – Die Knochenjägerin (4 Episode)
  • 2007: The Winner (1 Episod)
  • 2007: Shark (1 Episod)
  • 2008: Moonlight (1 Episod)
  • 2009: Roomates (2 Episode)
  • 2009–2014: Warehouse 13 (64 Episode)
  • 2010: Better Off Ted – Die Chaos AG (Better Off Ted) (1 Episod)
  • 2010: CSI – Den Tätern auf der Spur (CSI: Crime Scene Investigation, Episod 10x16)
  • 2010: Romantically Challenged (1 Episod)
  • 2010: Suite 7 (1 Episod)
  • 2011: Fairly Legal (1 Episod)
  • 2013: The Mentalist (Episod 5x17)
  • 2014: Modern Family (Episod 5x13)
  • 2014: Castle (Episode 6x23)
  • 2014: Witches of East End (Episode 2x07)
  • 2015: Marvel’s Agents of S.H.I.E.L.D. (Episode 2x12)
  • 2015: Backstrom (Episod 1x12)
  • 2016: Supergirl (Episod 1x17)
  • sit 2016: Shooter
  • sit 2019: Nick für ungut (No good Nick) (Netflixserie)

Filmä[ändere | Quälltäxt bearbeite]

  • 1999: Dr. Mumford
  • 2000: Screenland Drive
  • 2001: Say Uncle
  • 2002: B.S.
  • 2002: Ausziehen, einziehen, umziehen! (Moving August)
  • 2002: Super süß und super sexy (The Sweetest Thing)
  • 2002: Voll frontal (Full Frontal)
  • 2003: Untitled Nicole Sullivan Project
  • 2003: See Jane Date
  • 2003: Picking Up & Dropping Off
  • 2005: Heirat mit Hindernissen (Confessions of an American Bride)
  • 2005: Three Wise Guys
  • 2009: Pet Peeves
  • 2009: The New 20's

Kamera und Elektrik (Crew)[ändere | Quälltäxt bearbeite]

  • 1993: Fire Line - Die große Chance (zweite Kameraassistenz)(The November Men)

Einzelnachwiis[ändere | Quälltäxt bearbeite]

  1. http://www.myfanbase.de/index.php?mid=5&peopleid=1834
  2. http://www.serienjunkies.de/Seriendarsteller/Eddie-McClintock/
  3. https://www.imdb.com/name/nm0565858/