Durrës

Us der alemannische Wikipedia, der freie Dialäkt-Enzyklopedy
Durrës
Durrës (Albanien)
Durrës (Albanien)
Durrës
Durrës
Durrës
Koordinate 41° 19′ N, 19° 27′ OKoordinate: 41° 19′ N, 19° 27′ O
Basisdate
Staat Albanien

Qark

Qark Durrës
Kreis Kreis Durrës
Höchi 0 m
Flechi 451 km²
Iiwooner 203.350 (2009)
Dichti 450,9 Ew./km²
Poschtleitzahl 2001–2006
Website www.durres.gov.al
Politik
Burgermeischter Vangjush Ilia Dako[1]
Bild
Bild

Durrës (Ussprooch: [ˈdurəs]; bestimmti Form im Albanische: Durrësi; griechisch: Δυρράχιον Dyrrhachion; latiinisch: Dyrrachium; italienisch: Durazzo) isch e Stadt in Mittelalbanie aa de Adria. Es isch mit über 200.000 Ywohner nooch de Hauptstadt Tirana di zweitgrööschti Stadt vo Albanie un di wichtigscht Hafestadt vum Land.

Wirtschaft[ändere | Quälltäxt bearbeite]

De Hafe vo Durrës

Mit sym Hafe isch Durrës eis vo de wichtigschte Wirtschaftszentre vo Albanie. De Hafe isch d wichtigschti Handelsverbindig zum Ussland un bsunders nooch Italie. Täglich faare Fääre vo Durrës uff Italie. Usserdäm het Durrës no e Werft. Dernäbe isch d Stadt au en Stroose-un Ysebahnchnotepunkt.

De Durrës Plazh, de Strand vo Durrës, ghört zue de beliebteschte Badeplätz vo Albanie. Bsunders im Summer spiilt de Tourismus wäge däm e wichtigi Roll. D meischte Urlauber sin Usslandsalbaner un Kosovare, oder chömme uss de Hauptstadt Tirana uff Durrës.

Klima[ändere | Quälltäxt bearbeite]

S Klima z Durrës isch mediterran. Am niidrigschte sin d Temperature im Januar mit durchschnittlichi Höggschtwärt vo 5 °C i de Nacht un 12 °C am Daag. Am wärmschte sin de Juli un de Auguscht mit Durchschnittstemperature vo 21 °C i de Nacht un 28 °C am Daag.

Jan Feb Mär Apr Mai Jun Jul Aug Sep Okt Nov Dez
Niidrigtemperatur (°C) 5,0 6,0 8,0 11,0 15,0 19,0 21,0 21,0 18,0 14,0 11,0 7,0
Höggschtemperatur (°C) 12,0 13,0 14,0 18,0 21,0 25,0 28,0 28,0 24,0 22,0 16,0 13,0
Quelle: MSN Weather (Site cha nüme abgrüeft wärde; Suche im Webarchiv)[1] [2] Vorlage:Toter Link/weather.msn.com

Sehenswürdigkeite[ändere | Quälltäxt bearbeite]

s Amphitheater vo Durrës

Wäge synrer lange Gschicht het Durrës mehreri archäologischi Fundplätz. Am wichtigschte devo isch e Amphitheater, wo au Mosaike bsichtigt werde chönne. Es isch im 1. Joorhundert n. Chr. baut worde, un isch mit enere Kapazität vo 20.000 Mensche s gröschti uffem Balkan. Im Archäologische Museum sin verschidni Fundstugg uss de Gschicht vo de Stadt ussgstellt.

Dernäbe isch vorallem de Strand vo Durrës e beliebts Ussflugziil.

Weblink[ändere | Quälltäxt bearbeite]

 Commons: Fotis vo Durrës – Sammlig vo Multimediadateie

Fuessnote[ändere | Quälltäxt bearbeite]

  1. Infos über die Kommunalwahlen 2007