Dotcom

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Wort Dotcom bruucht me für Undernäme vo der modärne Wirtschaft, wo d Gschäft au über s Internet abwickle. Middlerwyl sind das i de entwicklete Volkswirtschafte fascht alli grössere Firmene.

Der Name chunt vo de Internetadrässe, wo me an eigentlech Firmename no der Deil .com aghänkt het – und wil der Punkt im Änglische “dot” heisst, seit me das zäme als “dot-com” oder eifach “dotcom”. S .com isch eini vo de Top-Level-Domain vom Internetsischteem.

Wo s Internet no nöi gsi isch, isch es bi de Wirtschaftslüüt e Mode worde, de früsche Firmene, wo do dermit z tue gha händ, dotcom-Wirtschaft z säge. Das Wort isch spöter über d Meedie i die algemeini Umgangssprooch überegange.

Wo me i der Zyt vo 1999 bis 2000 gseh het, ass der riisig Erfolg vo der Internetwirtschaft nümmme guet goot und vil Technology-Undernääme verlumpet sind, het me gseit, das sig s Ändi vo der Dotcom-Blootere, wo jetz ebe «platzt» sig.

Lueg au[ändere | Quälltäxt bearbeite]