Dithmarschen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schööfli z'Dithmarsche

De Kreis Dithmarschen liit im Weschte vo Schleswig-Holstein. Des Gebiet vo däm Kreis bildet e künschtlichi Insle, begrenzt durch d Nordsee, d Elbe, d Eider un de Nord-Oschtsee-Kanal. Des Gebiet isch witgehend identisch mit dem vo de hischtorische Region Dithmarsche, selli isch im Mittelalter e unabhängigi Buurerepublik gsi.

Vo dr Nordsee usgehend, bschtoht Dithmarschen us Marschland, im Landinnere us Geest-Gebiete. Wichtigi Ort sin Heide (Holstein), Meldorf mit sinere Pfarrkirch, wo Dom gnannt wird, Brunsbüttel, Burg, Marne, Wesselburen un dr bekannti Ferieort Büsum.

D Verwaltig umfasst sit de Verwaltigsreform vo 1970 de Kreis Dithmarschen, siinerzit het me Norderdithmarschen un Süderdithmarschen zämmeglegt, . Sither isch Heide Kreisstadt.

In de Vergangeheit hän si z' Dithmarsche vor allem vo dr Landwirtschaft glebt, un hän Chöhl abaut, in de letschte hundert Johr sin denn Ärdölförderig, Främdeverkehr un Windmiele derzue cho. Am Elbihafe z' Brunsbüttel isch e wichtiges Induschtriegebiet.

Boßeln isch in dene Marschgebiete üsserscht beliebt, in viele chleine Dörfer isch de Boßelverein de einzigi Schportverein. Selli Landschaft isch aber au zum Velofahre, Inline-Skate, Jogge, Nordic Walke un so witer günschtig; im Summer cha me do die Iiheimische un au die vo uuswärts seh. Am Meer gits verschiedeni chleineri Segel- un Schportboothäfe, allerdings het's vergliche mit de Oschtsee do chuum Segler, wil des Revier vil schwieriger zum segle isch. An e paar Blätz cha me au surfe.

Dithmarschen Wiki