Diskussion:London

I ha jetz de Bytrag us dr Diskussion i de Artikel verschobe un alles e weng gordnet. S'dät aber meh bringe wemmer aastatt immer neu aaz'fange eifach sofort de Artikel ergänzt, des erspaart viil Arbeit un erliichert de Lesefluss. Übrigens bringts wenig für jede zweite Vokal e "ä" z'schrybe, s'ä het im Alemannische e zimli chlori Funktion, un zwar für de Vokal wie in z.B "Wätter", de Schwa au mit "ä" z'schrybe erfüllt kei Zweck. --Chlämens 00:48, 4. Mär. 2007 (CET)

Wänns äs Chind wer, isch das öppis andärs, das wer dänn ä sehr guäti Leischtig! (nöd signierte Bytrag vo 213.103.137.110 17:07, 17. Mär. 2007 (CET))

Wenn dodrmit e Binggis vo acht Länze mainsch, denn jo. Das änderet aber nyt dra, dass mir Mindeschtaforderige hän. Die gälte fyr jede --Dr Umschattig red mit mir 17:12, 17. Mär. 2007 (CET)

Basisdate

Dä Abschnit enspricht leider gar nid de in dr Wikipedia yblige technische Aforderige und alemannisch isches leider au nid rächt... --Dr Umschattig red mit mir 14:43, 30. Mär. 2007 (CEST)

Mmhhh, de bueb isch grad mol oelf un hätt ä riese freud cha das r mol schriibe cha wie d schnabe gwachse isch.

Un denn wird r do belehrt das ´s chai recht allemanisch sigg. Das s au im Allemannisch ä paar unterschied giit sott ma eifach so stoh loh.

Un das s lieschtel ä weng anderst gschwätzt wird wie uff de andre site vom rhy isch halt mol so.

In dem sinn, erchläret doch dem bueb bitte was r nit recht gmacht hätt, und verzället nit das r chai allemannisch cha... (nöd signierte Bytrag vo 84.159.123.135 19:03, 31. Mär. 2007 (CET))

Liebi IP

Natürlig isch Alemannisch nid überall gliich, aber es gitt es paar Grundsätz, wo beachtet wärde mien (und au überall ähnlich sin). Meh dodrzue stoot unter WP:WSIGA. Das sott me halt läse. Zuedäm isch die Wikipedia nid dodrzue do, um "so z'schriibe, wie-n-eim dr Schnabel gwaggse isch", sondern für alemannisch z'schriibe. Und vili jungi Lüt kenne halt nun moll kes oder nur no schlächts Alemannisch. Und do mien mir yygriffe, will mir e gwüsses Mindeschtniveau wän, wo komplett unabhängig vom Alter muess sy (Wikipedia:Profil). Mir alli do hälfe gärn, wenn öpper nümm wyter weiss. Aber me sotti mängisch halt au frooge, wenn me nid alles ganz begrifft, will es isch miehsam, Fähler uszkorrigiere (wie z.B. immer widr die gleschte interwiki-Links yyzsetze).

Am Schluss isch dr Überarbeite-Baustei übrigens dinn gstande, wills schlicht und eifach grafisch schlächt usgseh hett. Ich ha jetzt das moll g'änderet, zem Zeige, wie's usseh KENNTI. Aber es isch nid dr Sinn, dass me eppis halb macht und denn anderi Lyt witr schaffe loot... --Dr Umschattig red mit mir 21:50, 31. Mär. 2007 (CEST)