Diskussion:Jugendwahn

Grißdena dir all mitanond!

Wissed dir grad obs a olds Word fir Oma odr Uroma gid? I wisst grad blos Güggääne für Urgroßvater.

Neutralität

No myyre Meinig isch dää ganz Artikel vu vorne bis hinte POV, mit Literatur isch nyt beleit, s isch eifach e Verriss vu dr hitige Gsellschaft. Des fangt scho bim Lemma aa, scho des isch nit neutral, un dr ganz Inhalt au nit. Wär cha mir bittschen z. B. mit ere wisseschaftlige Studie belege, ass dr Wägsel in dr Sproch vum "Großili" zum "Oma" irgedebis z due het mit eme sognännte "Jugendwahn"?

Villicht cha mer dää Artikel no grundsätzlig iberarbeite, sunscht stell i e Leschaatrag! --Holder 13:37, 20. Feb. 2010 (MEZ)

Bstimmti Ussage chönnt mer als gsellschaftliche Standpunkt bstimmt belege, sunscht findi ghört de Artikel aber glöscht. Ich sprich myni Eltre scho immer mit Vorname aa, des wenn si au so (Zitat vo mynrer Muetter: "Ich han en Name, un koi Titel") enewäg binni kei verzogene Goff. Un wenni mir deno andri Lüt in dr Verwandtschaft aalueg, wo d Eltre zwar mit Mami un Papi aarede, aber glychzitig ruggsichtslos ussnutze, isch so e Ussag eifach lätz. --Chlämens 14:31, 20. Feb. 2010 (MEZ)

Ich haa jetz diräkt e Leschaadrag dryygsetzt. --Holder 07:10, 22. Feb. 2010 (MEZ)

I bi nöd ganz för lösche. De Uusdruck Jugetwaan gits und somit Lemmatauglich (muesch nu goge guugle go) und s isch scho gspässig as uusgrechnet da Wort i de tütsch WP kann Artikel vorchunnt (Löschdiskussion do). Vellicht will niemert zuegee aser en "Alte Seckel" isch, wieme unschöö sait!? Mit "POV" unschööni Aspekt vode moderne Gesllschaft wegschminke isch onöd grad korrekt. Allerdings gebi zue as de Artikel öberarbeitet werde söll und s Thema sicher nöd aifach z bihandle. --al-Qamar 11:12, 25. Feb. 2010 (MEZ)

Also, halt emol, ich will gar nyt ewägschminke. Aber eb bstimmti Aschpäkt vu dr modärne Gsellschaft "unschöön" sin, isch ebe grad e persenligi Meinig, sprich "point of view" (POV). POV isch nyt Schlimms (ich find jede Mänsch sott e POV haa), aber d Meinig vum Albärt, vum al-Qamar oder scho zweimol die vum Holder zuen eme bstimmte Thema sott in eme enzyklopedische Wikipedia-Artikel ebe grad nit relevant syy. Meinige sotte in gsellschaftlig relevante Lyt, Gruppe, Medie o. ä. zuegordnet wäre, des wäre si aber in däm Artikel nit, s git keini Literaturreferänze.

Ganz abgsäh dervu deet ich d Uussag, ass friejeri "draditionälli" Gsellschafte s Alter meh gschätzt hän wie di hitig Gsellschaft emol in Frog stelle: s het in dr Gschicht e Huffe Kulture un Gsellschafte gee, wu d Jugend ender as Vorbild gnuu hän. S het (oder git si no?) draditionälli Gsellschafte gee, wu alti Lyt uusgsetzt oder gar umbrocht wore sin, wänn si nimmi hän chenne schaffe oder uf d Jagd goh. Un au in dr europäische Gschicht het s allemol Zyte gee, wu ender d Jugend vor em Alter bevorzugt het, z. B. in dr Romantik, in dr Wandervogelbewegig, im "Sturm un Drang" usw. Au het s in dr Gschicht vu dr Mänschheit vil Methode gee zum Chinder verhiete, zum Schwangerschafte abdryybe oder zum chleini Chinder gar uussetze oder si umbringe - "Kindstötung" isch e gängige ethnologische Fachuusdruck, wel s des in vile draditionälle Gsellschafte gee het un no git. Des Ideal vil Chinder z iberchuu isch wänn iberhaupt e chrischtli Ideal un au in dr daditionälle, europäische, chrischtlige Kultur het s e Huffe Verhietigs- un Abdryybigsmethode gee.

Stäärbe isch au scho friejer verdrängt wore.

Verhätschele" (scho dää Uusdruck isch POV) vu Chinder oder di sogn. "antiautoritär Erziehig" findet mer in vile draditionälle Kulture wältwyt, ass Chinder sträng erzoge wäre, isch au ender e typisch europäisch Ideal.

Au die Ufzellig vu Merkmol find i iberhaupt nit glunge, z. b. ghert fir mi do ne Referänz dryy, ass es wirkli Erwagseni git, wu Jugendsproch ibernämme, e Gege-These wär nämlig, ass d Lyt d Sproch us ihre eigene Jugend byybhalte, bis si alt un grau sin, d Sproch vu dr Jugend het sich aber scho lang wider gänderet.

Un au s Byyschpel vu dr Videospiler spricht doch ender derfir, ass die Lyt, wu 1990 jung gsi sin, anne 2005 allno s glych gspilt hän wie dertemol, des isch aber kei Merkmol fir e Jugendwahn sundern ender fir e konservativi Läbenshaltig, nämli s ganz Läbe s glych mache ...

"Schenheitswahn" het s in dr Gschicht au immer wider gee, des isch au nyt Nejs. Fir d Uussag, ass Fraue mit Hormon ihri Gsundheit uf s Spil setze, brucht s uf alli Fäll Beleg us medizinische Studie.

"Jungi un Gnackigi" wäre vor allem vu Färnsehsänder yyglade, wu anderi Jungi un Gnackigi as Ziilpulikum hän, s git au anderi Färnsehsänder, wu ne "Omaprogramm" mache (em ZDF wird des als noogsait, sorry, doderfir haan i grad kei Beleg ;-))

Ass d Jugend vu dr Wärbeinduschtrii as Hauptziilpublikum aagsäh wird, het wenig z due mit eme gsellschaftlige Ideal, sundern meh mit Marketing: Jugendligi cha mer dur Wärbig vil lyychter beyyflusse, Erwagseni sin kritischer bi neje Produkt, wel si scho meh chänne, un großí Wärbekampagne git s sowiso fascht nume bi neje Produkt, wel nume do lohnt sich z. B. e Färnsehwärbig iberhaupt fir s Unternämme.

Ass Jugendligi bi "Erwagsene im Jugendwahn" kei Oriäntierig finde oder umgchehrt ass si bi Erwagsene, wu ne "draditionäll Läbe" vorläbe Oriäntierig finde, isch e persenligi Meinig (POV) un sicher nit soziologisch noogwise.

Un insgsamt: dr Zämmehang vu allne "unschööne" Aschpäkt mit eme "Jugendwahn" isch im Artikel iberhaupt nit noogwiise.

Zum emol dr Advocatus diaboli mache: ich behaupt emol, s git iberhaupt kei Jugendwahn, des isch e reini Medieblodere, wu iberhaupt kei reali Grundlag in dr Wält usserhalb vum Blick un dr CSU het. Ich loss mi gärn widerlege (;-)), aber bitte mit Beleg, un am Beschte us ere soziologische Untersuechig! --Holder 20:14, 25. Feb. 2010 (MEZ)

S Gröbscht hani mole usegnoo (Sport, Chinderöberchoo, Aareed, Oma, Antibabypille). De Abschnitt "Folge vom Judetwaan" chamer vermuetli ganz striiche, s allermaischt ghöört eener ines ander Piet ine, nämli em Problem vo de "antiautoritäre Erzüchig". Öber de Abschnitt Gschicht sötti ono ggange werde. I denk as en Uuflischtig vo de Symptom/Merchmool durchuus bhalte were chan - natüürli noitral formuliert. --al-Qamar 11:47, 25. Feb. 2010 (MEZ)

Ich bii nit gege des Lemma un find au nit ass es Thema grundsätzlig POV isch, ich find aber ass d Art, wie dää Artikel gschribe isch, POV isch un dr ganz Artikel wäge däm no myre Meinig glesch ghert, ußer s macht eber e bessere Artikel drus. --Holder 15:08, 25. Feb. 2010 (MEZ)

Noch e anderi Frog isch, eb mer dää Artikel nit in dr urspringlige Version nit as Essay mit dr persenlige Meinig vum Autor deklariert un us eme Artikelnamensruum verschiebt z. B. uf e Untersyte vu dr Benutzersyte vum Autor oder as Aafang vun ere Essaysammlig in e eigene Namensruum oder naimen anderscht aane. D Wikinews losst Meinige zuen eme Thema zue in eme eigene Namensruum "Meinung" un au uf meta git s e Huffe Essays, wu Lyt gschribe hän (dert uf meta als iber irged e wikispezifischs Thema). --Holder 20:23, 25. Feb. 2010 (MEZ)

Also dass es de Begriff als gsellschaftskritischs Schlagwort git, isch klar. Mer bruuch en bloss bi Amazon oder inere grössre Bibliothek ytippe un scho het mer gnue Biecher. Mit so Biecher chönnt mer de Artikel deno umschrybe; deno stoot warschynts s glych dine, aber noochem Schema: "de dingsbums, wo des un des Buech gschribe het, meint des un des". In dere Form aber werde so gsellschaftskritische Meinige als Fakte präsentiert, un des goot natürli nit. --Chlämens 10:00, 26. Feb. 2010 (MEZ)

De Vorschlag vo wege uf persönlichi Siite verschiebe isch schlecht, da isch e Sach vom Autor selber. Zuedem söll d Wikipedia nöd zonere Uffsatzsammlig were. E bitz persönlichi Mainige und Darstellige uf de Bnutzersiite isch erwünscht, aber nöd z vill; för da gits Fore.

Zu dem Artikel: De Abschnitt Gschicht findi problematisch, do müesst wörkli Fachliteratur glese were um öberprüefe chöne, öb die historische Hindergründ zum Jugetwaan au so stimmet; i bi de Maining viles stimmt ase nöd. Juged isch scho immer hochghalte (und gliichzittig au vertüüflet woore) und sexuelli Fraihait het nöd wörkli mit Jugetwaan z tue und da mitem Chindli öberchoo as Junge het früener zwor för Fraue ggolte, nöd aber zwingend bi Mane - usser vellicht i de Underschichte - aber au da het nünt z tue mit Jugetwaan. Vellicht da Kapitel besser lösche. I denk "Jugedwaan" - wa da jetz au immer sii mag - isch mee en Uusdruckswiis vonere Gsellschaft und weniger e hstorischi Entwicklig.

S Kapitel mit de Merchmool findi sowiit in Oornig, au weni tailwiis em Holder recht geb. Da isch e Liste mit de "Symptom", wie si erchennbar und vorhande sind und vo gwüssne Chraise under "Jugedwaan" zämegfasst werdet. En Artikel söll halt nöd nu wertnoitral gschribe sondern eben au wertnoitral glese were. De Abschnitt Folge wöri em liebst lösche. Zwor gits die Problem mit de verzogne Goofe und da mit de chliine Tyranne, aber öb do en Zämehang mit em Jugetwaan bistoot bizwiifli. D Gsellschaft het sich aifach z starch gänderet i de letzte 50 Joor, as asmer all Problem uf de Jugedwaan cha reduziere.

Im End gsääch da asen uus: de Artikel bliibt bistoo, aber ooni oder mit noigschribne und guet bilaite Kapitel '"Gschicht" und "Folge". De Abschnitt "Merchmool" findi vertrettbar und söll drum zwor verbesseret aber nöd glöscht were, au wenns, wies de Tüüfelsförsprecher dobe maint, nume im Blick und i de CSU vorchunnt. Aber au denn ghörts i d Wikipedia. --al-Qamar 11:58, 26. Feb. 2010 (MEZ)

Ich haa jetz dr Artikel emol duurebutzt un alles uusegnuu, was no myyre Meinig äntwäder POV oder Theoriifindig isch, derzue au alli Uussage, wu s no myyre Meinig e Beleg us dr Literatur defir brucht. Eso wie dr Artikel jetz isch, brucht s au kei Leschaatrag me, wäge däm haan i dää au uusegnuu, d Vorlage "Neuträlität" un "Beleg fehlt" au glyy derzue. Wänn eber dää Artikel will iberarbeite un/oder nej schryybe, nur zue, aber ich hätt gärn Beleg. --Holder 12:38, 26. Feb. 2010 (MEZ)

Tabula rasa ufs Wuchenend ane … Sowitt so guet … Aber da mit de Jugedsprooch findi, cha scho drii. S isch jo scho ase, as Jugedlichi immer en Art "Slang" hend, wo Ältiri normalerwiis nöd bruuched. Die Jugedsprooch änderet sich au ständig und d Uusdrück wo bruucht werdet verschwindet hüüfig wider noch e paar Joor. S git sicher Erwachsni, wo absichtlich d Jugedsprooch bruche, um z zaige as si no "in" sind. I minere Juged hani miteme Typ z tue ghaa, so um di 60i ume, de het mit üüs Jugedliche immer di domoolig "Jugedsprooch"" bruucht. Bim erstemool hemers jo no "cuul" gfunde, nochene nömm … --al-Qamar 17:02, 26. Feb. 2010 (MEZ)

Inhaltig stimm i Dir do zue, aber was het des mit "Jugendwahn" z due, wänn Erwagseni versueche, mit jingere Lyt in däre ihre Sproch z kommuniziere??? --Holder 17:54, 26. Feb. 2010 (MEZ)

Bi Merchmool oder Symptom isches jo ase, ases meriri müend uuftrete. Wenn e Jugedarbaiter oder Eltere mengisch Uusdrück vode Jugedsprooch bruuchet isch da natüürli und fallt onöd uuf. Wenn näber sich abidere will, fallts uuf, het aber o nünt mit Jugedwaan z tue. Wenn aber näber ales tuet um möglichst Jugedlich z würke und Chlaidig und Sprooch etc. aaninnt, ghört da scho zum Thema Jugedwaan. Gits do nöd sonen Fernseestar wo mee Falte im Gsicht het as e verchruglets Chnitterpapier aber wiene Sechzeejöörige umelauft und o ase redt? Da isch sicher e Fall vo Jugedwaan. --al-Qamar 12:48, 3. Mär. 2010 (MEZ)