Diskussion:Fortis und Lenis

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

I ha gar nid a di aschpirierte Fortis ddänkt. Die git's ällwä i vilnen alemannische Dialäkt, aber mi dünkt's, me söt sen ehnder am Rand erwähne, wil's i däm Unterschid ja vor allem ume Gägesatz zwüsche Fortis u Lenis geit. So wi der Artikel itz usgseht, chönnt me nämlech meine, das der Gägesatz zwüsche Fortis u Lenis im Baseldütsche i der Aschpiration würd lige, das d Basler (du bisch doch Basler?) also _Schade_ ohni _h_, aber _Schatte_ mit _h_ würde säge.

Natürlich git's im Nideralemannische ds aschpirierte k, aber i weis nid, so dass es würklech e Drüteilig git: k - gg - g. I dänken aber, es git ou für ds Nideralemannischen verschideni Argumänt, das ds gg d Fortis isch u nid ds k, nämlech einersyts d Parallele zu den Hochalemannische Dialäkt, wo em nideralemannische k d Affrikate kch entspricht, und anderersyts d Symmetry im Konsonantesyschtem, wo di andere Fortes t u p nid aschpiriert sy (z.B. Schatte, Rappe).

E zuesätzlechi Komplikation isch d Lenisierig vo Fortes am Wortaafang... J. 'mach' wust 10:41, 6 Oct 2004 (UTC)