Dietrich Michael Weidmann

Us der alemannische Wikipedia, der freie Dialäkt-Enzyklopedy
Dietrich Michael Weidmann

Dietrich Michael Weidmann (* 23. Mai 1960 z Züri; au bekannt als Didi Weidmann) isch en Schwizer Sprachwüssenschaftler, Esperantist, Übersetzer und Schriftsteller.

Läbe[ändere | Quälltäxt bearbeite]

S'erscht Moll öffentlig in Erschiinig träte isch er i de 70-er Jaar, won är a zahlriche politische Akzione und Hüüserbsetzige mitgmacht het. 1980 isch er en Aktivischt vo de Zürcher Jugendbewegig und eine vo de Redaktore vom Iisbrecher und spöter vom Brächise gsii. De Didi Weidmann isch mit em Umberto Blumatti, am Stefan Flüeler und andere im Summer 1980 unter dä sechs Präventivverhaftete gsii. Ziitwilig isch er als Schriftsteller in de Spinnerei Wettige aktiv gsii.

Im Herbst 1981 het sich de Dietrich Weidmann us de Politik zruggzoge. 1981 isch de Dietrich Weidmann einigi Ziit is Usland (USA und Mexiko) gange, um denn nach sinere Rückkehr vo 1981 bis 1988 a de Uni Züri s Studium für allgemeini Sprachwüssenschaft und witeri Fächer (Jus, Sonderpädagogik, Psychologie, Germanistik und verglichendi Literaturwüsseschaft) uufznä. Während sim Studium het er ziitwis als Redaktor vo de Ziitig Zürcher StudentIn (ZS) gschaffet.

De Dietrich Weidmann leitet hüt z Züri s Übersetzigsbüro Allsprachendienst Esperanto GmbH.

Esperanto[ändere | Quälltäxt bearbeite]

De Dietrich Weidmann het 1975 Esperanto glernt und isch zu eim vo de wichtischte Exponente vo de schwiizerische Esperanto-Bewegung worde. Vo 1988 bis 1990 isch er Generalsekretär vom Esperanto-Weltjungedbund (TEJO) gsii. Vo 1986 bis 1990 und vo 1999 bis im April 2007 isch er Vizepräsident und sit April 2007 gemeinsam mit Mireille Grosjean Präsident vo de Schwizerische Esperanto-Gsellschaft (SES).

Privats[ändere | Quälltäxt bearbeite]

Dr Dietrich Weidmann isch in 2. Eh mit enere Esperantischtin ghüratet. Er hett eis Kind us erschter und zwei Kinder us zweiter Eh. Familiesprache sind Tüütsch, Alemannisch, Esperanto und Spanisch. Är isch Ahänger vom Bahá'í-Glaube.

Publikazione vom Dietrich Michael Weidmann[ändere | Quälltäxt bearbeite]

  • Esperanto für Anfänger, Esperanto-Lehrbuch (Esperanto für Aafenger, Leerbuech), 1979 Spinnerei Wettinge
  • Vortaro por frikoj (Wörterbuech für Freaks), 1980 Spinnerei Wettinge
  • Archipel Turicum, Tagebuch eines Flüchtlings (Flüchtlingstagebuech), 1981 Spinnerei Wettinge
  • Archipel II (zum Teil in Alemannisch), 1981 Spinnerei Wettinge
  • Universal Aplicability of Dependecy Grammar, in New Directions in Machine Translation - Proceedings of de Conference (Di Universal Aawendbarkeit vo de Dependenzgrammatik, in Noii Richtige i de maschinelle Übersetzig – Koferenzkurzfassige - Budapest, August 1988)
  • Esperanto por Mondcivitanoj, Esperanto-Lehrbuch für Anfänger, 1989 Weidmann's Mondo-Servo (Schaffhausen)
  • Das Kausativ und das Antikausativ in der gemischten Plansprache Esperanto (De Kausativ und de Antikausativ i de gmischte Plansprach Esperanto), 1989 Weidmann's Mondo-Servo (Schaffhausen)
  • Aus der Märchen Welt von Jakob und Armin Weidmann (als Heruusgeber), Märlibuech, 1989 Weidmann's Mondo-Servo (Züri)
  • Esperanto por Mondcivitanoj, Esperanto-Lehrbuch für Anfänger (Esperanto-Leerbuech für Aafenger), 1991 Taschebuech-Ussgab Weidmann's Mondo-Servo (Züri und Budapest)
  • Federacia Konstitucio por la Unuiĝintaj Ŝtatoj de Eŭropo/Eine Bundesverfassung für die Vereinigte Staaten von Europa|Vereinigten Staaten von Europa (E Bundesverfassig für di Vereinigte Staate vo Europa), 1998 Allsprachendienst Weidmann's Mondo-Servo (Zürich)
  • Esperanto - Brücke über den Abgrund von Babel (Esperanto – E Brugg über da Abgrund vo Babel), 1999 Allsprachendienst Weidmann's Mondo-Servo (Züri)
  • Weltsprachenwörterbuch, Deutsch-Esperanto/Esperanto-Deutsch (Wörterbuech Tüütsch-Esperanto/Esperanto-Tüütsch), 2003 Allsprachendienst Weidmann's Mondo-Servo (Züri)

Externi Links[ändere | Quälltäxt bearbeite]