Die Monster Uni

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Filmdate
Logo
Logo
Düütsche Titel: Die Monster Uni
Orginaltitel: Monsters University
Produktionsland: USA
Erschinigsjoor: 2013
Orginalsprooch: Englisch
Stab
Regie: Dan Scanlon
Dräibuech: Pete Doctor
Andrew Stanton
Produktion: John Lasseter
Kori Rae
Musig: Randy Newman

Die Monster Uni (Originaltitel: Monsters University) isch en US-amerikanische Animationsfilm vo Disney/Pixar, wo am 20. Juni 2013 i di dütsche Kinos cho isch. In Nordamerika hät de Film am 21. Juni sis Debüt gfieret, Regie het de Dan Scanlon gfüert, wo u.a. als Storyboard Artist bei Disney/Pixars „Cars“ (2006) mitgschaffet hät. De Film vezellt d'Vorgschicht zu „Die Monster AG“ und isch somit s'erschte Prequel zumene Pixarfilm. De traditionelle Vorfilm isch "Der blaue Regenschirm".

Synchronisation[ändere | Quälltäxt bearbeite]

Role Änglischä Schprecher Dütsche Schprecher
James P. "Sulley" Sullivan John Goodman Reinhard Brock
Mike Glotzkowski Billy Crystal Ilja Richter
Dekanin Hardscrabble Helen Mirren Kerstin Sanders-Dornseif
Art Charlie Day Elyas M’Barek
Professor Knight Alfred Molina Bernd Rumpf
Squishy Peter Sohn Axel Stein
Frank McCay John Krasinsky Manuel Neuer

Handlig[ändere | Quälltäxt bearbeite]

De Film startet i de Vergangeheit. De chli Mike Glotzkowski gaht no id Schuel. D Schüeler mached grad en Uusflug id Monster AG. Für de Mike isch sofort klar, dass er wot en Verschrecker werde. Das sind Profi-Monster, wo Chind verschrecked und so elektrische Energie gwüned.

Spöter gseht mr de Mike, win er ad Monster Uni chunnt. Er isch topmotiviert und wot Schreckologie studiere. Nach em erschte Semester gits e schtrengi Prüefig. De Mike lernt fliessig.

De Sulley isch de Sohn voneme berüehmte Monster. Er isch sehr ibildet und lached de Mike nur us. De Mike wot em zeige, das er besser isch. So vergaht d Ziit und d Prüefig chunnt nöcher. Am Tag vo de Prüefig, wod Studente imenen Simulator zeige mönd, was sie glernt händ, gits Striit zwüsched em Mike und em Sulley. Drum werded si vom Schreckologie-Studium usgschlossä. De Mike isch drum sehr truurig. Aber er het en Idee: Er wot bi de Schreck-Spiel mitmache. Bi dere Meisterschaft wot er zeige, dass ers chan. Er wettet mit de Lehrerin, dass wenn er gwünnt, dass er denn doch no Schreckologie studiere dörf. Er brucht dadezue es Team. Er wählt d Studenteverbindig Omega Kreisch. Das isch e chlini Gruppe vo Monster, wo eher Ussesieter sind. Es fehlt aber na es Monschter, denn es mönd mindestens 6 Monschter teilneh. De Sulley meldet sich spontan.d

Ganz unerwartet gwünnt s Team vom Mike. De Sulley het aber bschisse; er het de Simulator manipuliert. De Mike isch hässig. Er dringt is Labor i, wo Türe gmacht werded, wo id Welt vo de Mensche füered. De Mike gaht dur Tür und gratet in es Lagerhuus mit vilne Chind. Er wot si verschrecke; d Chind hend aber gar kei Angscht und finded de Mike eher herzig. De Sulley gaht au dur di Tür, wil er de Mike wot rette. Zäme schaffed sies, d Mensche z vertriibe und zrugg id Monster Uni zcho.

Di beide flüged endgültig vo de Uni. Si fanged a schaffe bi de Monster AG als Postbeamte. Langsam mached si Karriere und werded och no zu Verschrecker.

Weblink[ändere | Quälltäxt bearbeite]

Fuessnoote[ändere | Quälltäxt bearbeite]